आयोजक प्राईम कलेज र जेभिएर कलेज तेह्रौ प्राइमकप बास्केटबल प्रतियोगिताको उपाधिका लागि भिड्ने भएका छन् ।
बिहीबार आयोजक कलेजको कोर्टमा भएको सेमिफाइनल खेलमा प्राईमले लिभरपुललाई ५९–५० तथा जेभिएरले सिसीआरसीलाई ४८–३३ को स्कोरमा पराजित गर्दै उपाधि भिड्न्त पक्का बनाएको हो ।
प्रार्ईमले लिभरपुल बिरुद्ध पहिलो क्वाटरमा १५–१०, दोस्रो क्वाटरमा ९–६ तेस्रो क्वाटरमा १७–२० तथा चौथो क्वाटरमा १८–१३ को स्कोर बनाएको थियो । प्राईमका लागि निश्चल महर्जन एकलैले २६ स्कोर गरेका थिए ।
त्यस्तै अर्को सेमिफाइनलमा सिसीआरसीलाई पराजित गर्ने क्रमममा जेभिएरले पहिलो क्वाटरमा ९–८, दोस्रो क्वाटरमा १२–३, तेस्रो क्वाटरमा ८–८ र चौथो क्वाटरमा १९–१४ को स्कोर बनाएको थियो । जेभियरका लागि अजय कुवंरले सर्वाधिक १५ स्कोर बनाए ।
त्यस्तै गल्र्स तर्फको उपाधिका लागि जेभिएर र गोल्डेन गेट भिड्ने भएका छन् । बिहीबार भएको सेमिफाइनल खेलमा जेभिएरले भ्याली पब्लिकलाई ३८–३२ तथा गोल्डेन गेटले नासालाइ ३३–२३ को स्कोरमा पराजित गरेका थिए । जेभिएरका लागि माया राईले सर्वाधिक १६ र गोल्डेन गेटका लागि बिना नकर्मीले १२ स्कोर गरेका थिए ।
प्रतियोगिता अन्तर्गत ब्वाईज तथा गल्र्स दुवैको फाईनल खेल शुक्रबार हुनेछ ।
