ट्रिनिटि कलेजले तेश्रो जेभियर इन्टरनेश्नल कप यु–१९ महिला तथा पुरुष बास्केटबल प्रतियोगिताको पुरुषतर्फ लगातर दोश्रो जित निकालेको छ ।
रुपिजका खेलाडी ओपल बिरुद्ध बल अगाडि बढाउदै ।
बुधवार भएको खेलमा सन्देश उप्रेतीको उत्कृष्ट प्रदर्शनमा ट्रिनिटिले ह्वाईटहाउस कलेजमाथी ६८–५६ को सहज जित निकाल्यो । उप्रेतीले सर्वाधिक १८ स्कोर गरेका थिए । पुरुषतर्फकै अन्य खेलमा सीसीआरसी,टाईम्स र रुपिज कलेजले जित हात पारेका छन् । सीसीआरसीले नोवल कलेजलाई ४९–१५ को फराकिलो अन्तरले हराउदा अनिष मगरले सर्वाधिक १६ स्कोर गरेका थिए । त्यस्तै टाईम्सले आइडियललाई ५३–३२ स्कोरले हराउदा रुपिज कलेजले ओपललाई ५३–३९ ले स्तब्ध पाऱ्यो । टाइम्सको जितमा सुजन गुरुङ तथा रुपिजको जितमा सौगातले समान १४ स्कोर गरेका थिए ।
