काठमाडौँ, फागुन २ ओडिसी र पुस्पसदन स्कुलले पाचौ इनोभेटिभ अन्तरस्कुल बास्केटबल अन्तर्गत सिनियर ब्वाइजमा आइतबार जित निकालेका छन् ।
विशाल गुरुङले महत्वपूर्ण ८ स्कोर गरेपछि ओडिसिले रेडियन्ट स्कुललाई ३५–३४ को झिनो अन्तरले पराजित गरेको हो । सिनियर ब्वाइजमै पुस्पसदनले ज्ञान निकेतनलाई ५३–३१ ले पाखा लगायो । पुस्पसदनको जितमा अभिशेख सिहंले २० अंक जोडे । आयोजक इनोभेटिभकै कोर्टमा भएको ब्वाइजमै भ्याली पुब्लिकले इनोभेटिभको बि टिमलाई ३४–१८ ले पाखा लगायो । भ्यालीको जितमा सबिन गुरुङले ११ अंक जोडे ।
लिग कम नकआउट आधारमा जारी प्रतियोगिताको तेस्रो दिन सिनियर गल्र्समा आयोजक इनोभेटिभ स्कुलले सपना बाटिका स्कुललाई २३–१५ ले पराजित गर्यो । इनोभेटिभको जितमा ममता गुरुङले १० अंक जोडिन । इनोभेटिभ इङलिस स्कुलको आयोजनामा फागुन ६ गतेसम्म चल्ने प्रतियोगितामा सिनियर ब्वाइजमा र सिनियर गर्ल्सतर्फ गरि २० टोलीको सहभागिता रहेको छ । सियिनर ब्वाइजमा १२ र गल्र्स ८ टिमले प्रतिस्प्रधा गर्नेछन । ब्वाइजमा इनोभेटिभ र गल्र्समा भ्याली पब्लिक डिफेन्डिङ च्याम्पियन हुन् ।
