5 years ago
April 11, 2019
काठमाडौं (हाम्रो खेलकुद) – आठौं राष्ट्रिय खेलकुदको व्यस्त तालिकाका कारण प्ले फर डिप्राइभ्ड चिल्ड्रेन नेपाल (पिडिसिएन) ले आयोजन गर्न गइरहेको नेपाल बास्केटबल लिग (एनबीएल) एक साता पछाडी धकेलिएको छ । नेपाली बास्केटबल इतिहासकै सबैभन्दा लामो र ठूलो बास्केटबल प्रतियोगिता वैशाख ७ गतेदेखि सुरु हुने कार्यक्रम रहेको थियो । तर आठौं राष्ट्रिय खेलकुदका कारण खेलाडीलाई उचित […]
काठमाडौं (हाम्रो खेलकुद) – आठौं राष्ट्रिय खेलकुदको व्यस्त तालिकाका कारण प्ले फर डिप्राइभ्ड चिल्ड्रेन नेपाल (पिडिसिएन) ले आयोजन गर्न गइरहेको नेपाल बास्केटबल लिग (एनबीएल) एक साता पछाडी धकेलिएको छ ।
नेपाली बास्केटबल इतिहासकै सबैभन्दा लामो र ठूलो बास्केटबल प्रतियोगिता वैशाख ७ गतेदेखि सुरु हुने कार्यक्रम रहेको थियो । तर आठौं राष्ट्रिय खेलकुदका कारण खेलाडीलाई उचित विश्राम चाहिने र खेलाडी, अफिसियल र रेफ्रीहरुले प्रतियोगिता सार्न आग्रह गरेपछि एक साता पछाडी सर्नु परेको आयोजकले जनाएको छ ।
‘आठौं अन्तर्गत बास्केटबल खेलहरु एनबीएलको पूर्वनिर्धारित मितिभन्दा तीन दिनै अगावै सकिने भएपनि सम्पूर्ण खेलाडी, अफिसियल र रेफ्रिहरुलाई थकान हुने भएकाले हामीले प्रतियोगिता सार्ने निर्णय लिएका हौं,’ आयोजक पिडिसिएनका अध्यक्ष अरुण कार्कीले बताए ।
एनबीएल अन्तर्गत पुरुषको लिग अब वैशाख १४ गतेदेखि हुने भएको छ । महिलो बास्केटबल लिगको मिति भने तय भइसकेको छैन । ‘एनबीएल ५५ दिनको लिग हो र लामो समयसम्म चल्ने प्रतियोगिताको लागि यसम संलग्न सबैलाई आरामको आवश्यक हुन्छ । हामीले दिएको विश्रामको समयले खेलाडीहरुलाई पनि उत्कृष्ट प्रदर्शन गर्न पनि मद्दत मिल्ने आशा राखेको छौ’, कार्कीले भने ।
एनबीएलको पुरुष लिगमा कुल ६८ खेल हुनेछन् । दुई चरणको लिगपछि पहिलो चार स्थान प्राप्त गर्ने टोली प्लेअफका लागि छानिनेछन् । प्लेअफमा पहिलो र दोस्रो स्थान हासिल गर्ने टोलीले बेस्ट अफ थ्रिका आधारमा पहिलो क्वालिफायर खेल्नेछन् जसबाट विजयी टोली सिधै फाइनल प्रवेश गर्नेछ ।
तेस्रो र चौथो स्थानको टोलीले बेस्ट अफ थ्रि एलिमिनेटर खेल्नेछन् र विजयी टोलीले पहिलो क्वालिफायरको पराजित टोलीसँग फाइनल प्रवेशका लागि दोस्रो क्वालिफायर खेल्नेछ । दोस्रो क्वालिफायर पनि बेस्ट अफ थ्री कै आधारमा खेलाइनेछ । फाइनलमा एक खेल मात्र हुनेछ । प्लेअफ र फाइनलका सबै खेलहरु राष्ट्रिय खेलकुद परिषदको कभर्ड हलमा खेलाइनेछ । प्रतियोगिताको डिफेन्डिङ्ग च्याम्पियन गोल्डेन गेट इन्टरनेशनल कलेज रहेको छ ।
प्रतियोगितामा पहिलो र दोस्रो हुने टोलीले क्रमश: दुई र एक लाख रुपैयाँ प्राप्त गर्नेछन् । प्रतियोगिताका मोस्ट भ्यालुएबल प्लेयर र हाइएस्ट स्कोररका लागि पनि उचित पुरस्कारको व्यवस्था गरिएको आयोजकले जनाएको छ ।
प्रतियोगिताका साझेदारका रुपमा सानिमा जनरल इन्स्योरेन्स, कंगारु एजुकेशन फाउण्डेशन र केटिएम सिटी रहेका छन् । सानिमा जनरल इन्स्योरेन्सले प्रतियोगिताका सम्पूर्ण खेलाडी, प्रशिक्षक, रेफ्रि र स्वयं सेवक गरि कुल १ सय ६८ जनाको प्रतिब्यक्ति ५ लाख गरि १० करोड रुपैयाँ बराबरको विमा गराएको छ । शैक्षिक साझेदार रहेको कंगारुले प्रथम पुरस्कारको प्रायोजन गर्नुका साथै खेलहरु तथ्यांक राख्ने कार्यमा आयोजकलाई सघाउनेछ । यस्तै केटिएम सिटीले प्रतियोगिता भरिकै ६८ म्यान अफ द म्याचलाई रु ३ हजार बराबरको गिफ्ट भाउचर प्रदान गर्नेछ । प्रतियागिताको लागि नेपाल बास्केटबल संघले प्राविधिक सहयोग प्रदान गरेको छ ।
सहभागि टोलीहरु :
गोल्डेन गेट इन्टरनेशनल क्लब
त्रिभुवन आर्मी क्लब
नेपाल पुलिस क्लब
बुढानीलकण्ठ म्युनिसिप्यालिटी बास्केटबल क्लब
रोयल बास्केटबल क्लब
किर्तिपुर बास्केटबल क्लब
टाइम्स इन्टरनेशनल क्लब
साउथ साइडर्स बास्केटबल क्लब
April 24, 2024
काठमाडौं (हाम्रो खेलकुद) – बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलमा सहभागी हुन ४ खेलाडीसहित ५ सदस्यीय टोली बिहीबार चीनको युन नान प्रस्थान गर्ने भएको छ । विजय बुर्जा कप्तान रहेको टोलीको अन्य खेलाडीमा निकेश मगर, मनीष केसी र निश्चल महर्जन रहेका छन् । प्रशिक्षकमा सुशिल गुरुङ छन् । बुधबारदेखि सुरु भइसकेको […]
April 20, 2024
काठमाडौं (हाम्रो खेलकुद)– प्रथम प्रधान सेनापति ह्विलचियर बास्केटल प्रतियोगिताको उपाधि महिलामा ह्विलचियर स्पोर्टस एसोसिएसन र पुरुषमा सशस्त्र प्रहरी बलले जितेको छ । नेपाली सेनाको आयोजना भएको प्रतियोगिताको महिलातर्फको फाइनलमा ह्विचियर स्पोर्टसले स्पाइनल कर्ड इन्ज्युरी नेटवर्क नेपाललाई हराउँदै उपाधि जितेको थियो । जावलाखेल ह्विलचियर स्पोर्टस क्लब तेस्रो भयो । श्री सैनिक पुनर्स्थापना केन्द्र, भण्डारखालमा भएको प्रतियोगिताको […]
April 10, 2024
काठमाडौ (हाम्रो खेलकुद) – दोस्रो उपत्यकास्तरीय ह्विलचियर बास्केटबल प्रतियोगिताको उपाधि महिलातर्फ जावलाखेल ह्विलचियर स्पोर्ट्स क्लब (जेडब्लुएससी) र पुरुषतर्फ विभागीय टोली त्रिभुवन आर्मी क्लबले जितेको छ । नेपाल स्पाइनल कर्ड इन्जरी खेलकुद संघ (एनएससीआईएसए)को आयोजनामा त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार भएको फाइनलमा जेडब्लुएससीले एससिआईएनएनलाई १८–७ ले हराउँदै महिलातर्फको उपाधि जितेको हो । पुरुषतर्फकाके […]