काठमाडौं (हाम्रो खेलकुद) – बुढानिलकण्ठ नगरपालिका र द रोयल बास्केटबल क्लबले क्विक्स नेपाल बास्केटबल लिग २०१९ अन्तर्गत आइतबारको खेलमा जित दर्ता गरेका छन् ।
बुढानिलकण्ठले आफ्नो घरेलु कोर्टमा एएनके कीर्तिपुर बास्केटबल टिमलाई ७०-५६ ले पराजित गर्यो । म्यान अफ द म्याच सौरभ श्रेष्ठले डबल-डबल प्रदर्शन गर्ने क्रममा १५ अंकसहित १५ रिबाउन्ड लिएपछि बुढानिलकण्ठले जित दर्ता गरेको थियो । पहिलो क्वाटरमा २१-९ को अग्रता लिएपनि दोस्रो क्वाटरमा पाहुना टोलीले पुनरागमन गर्दै स्कोर ३५-२९ को अन्तरमा ल्याएको थियो । अन्तिम दुई क्वाटरमा बुढानिलकण्ठले अग्रता कायम राख्दै जित दर्ता गर्यो ।
अर्को खेलमा रोयलले साउथ साइडर्सको माइतीघरस्थीत घरेलु कोर्टमा ७०-६२ को रोमान्चक जित दर्ता गर्यो । पहिलो सेटमा १२-११ ले पछाडी परेको घरेलु टोली मध्यान्तरमा ३२-२७ ले पछाडी थियो । तेस्रो क्वाटरमा साइडर्सले उत्कृष्ट पुनरागमन गर्दै ४९-४५ को अग्रता लियो । तर अन्तिम क्वाटरमा रोयलले आक्रामक खेल प्रस्तुत गर्दै ८ अंकको अग्रता बनाउन सफल भयो । रोयलका लागि डबल-डबल प्रदर्शन गर्दै १० अंक र १० रीबाउन्ड लिएका अमृत कोइराला म्यान अफ द म्याच भए ।
प्रतियोगिताअन्तर्गत सोमबार विभागीय डर्बीमा नेपाल पुलिस क्लबले त्रिभुवन आर्मी क्लबको अतिथ्यता गर्नेछ । दोस्रो खेलमा साउथ साइडर्सले टाइम्सको चारखालस्थित कोर्टमा प्रतिस्पर्धा गर्नेछ ।
