काठमाडौं (हाम्रो खेलकुद) – रोयल बास्केटबल क्लब र गोल्डेन गेट कलेजले क्विक्स नेपाल बास्केटबल लिग अन्तर्गत मंगलबारको खेलमा जित दर्ता गरेका छन् ।
लगातार दोस्रो जित दर्ता गर्ने क्रममा रोयलले एएनके कीर्तिपुर बास्केटबलको कोर्टमा ७२-६१ को जित दर्ता गर्यो । रोयलको जितमा कुनखेन थिङ म्यान अफ द म्याच भए । उनले १३ अंक जोडेका थिए । रोयलले दुवै अवे खेलमा जित दर्ता गरेको हो ।
दिनको दोस्रो खेलमा गोल्डेन गेटले बुढानिलकण्ठ नगरपालिकालाई ८५-७२ ले हरायो । पहिलो खेलमा आर्मीसँग पराजित गोल्डेन गेटको यो पहिलो जित हो । कर्मा गुरुङले २० अंक जोड्दै उकृष्ट प्रदर्शन गरेपछि गोल्डेन गेटले जित हासिल गरेको हो ।
बुधबार आर्मी र कीर्तिपुरले भद्रकाली तथा टाइम्सले गोल्डेन गेटको कोर्टमा खेल्नेछ ।
