प्राइम कलेज र गोल्डेनगेट इन्टरनेसनल कलेज एनसेल यु–१८ अन्तरकलेज बास्केटबल प्रतियोगितामा बिहीबार सेमिफाइनलमा प्रवेश गरेका छन् ।
प्राइमले एलआरआई कलेजलाई ५९–५४ ले पराजित गर्यो । प्राइमको जितमा शशि पराजुलीले १९ अंक योगदान गरे ।
अन्तिम तथा चौथो क्वाटरमा २८–१७ को अग्रता बनाउदै प्राइमले जितको आधार खडा गरेको थियो । तेश्रो क्वाटरको समाप्तिसम्म प्राइम ३१–३७ ले पछाडि थियो । पहिलो क्वाटरमा १२–११ को झीनो अग्रता लिएको प्राइम दोश्रोमा ४–१२ ले पछाडि रह्यो । तेश्रोमा प्राइमले १५–१४ स्कोर गर्यो ।
गोल्डेनगेटले जेम्स कलेजलाई ६४–४१ ले हरायो । गोल्डेनगेटका खुखेन लामाले १५ अंक जोडे ।
गोल्डेनगेटले जेम्सलाई चारै क्वाटरमा उछिन्यो । पहिलोमा १६–१० को अग्रता बनाएको गोल्डेनगेटले अन्तिमसम्म अग्रतालाई जोगाइ राख्दै क्रमशः १८–११, १५–१० र १५–१० स्कोर गर्यो ।
सेमिफाइनलमा गोल्डेनगेटको भेट प्राइमसंग हुनेछ । अर्को सेमिफाइनल लिभर इन्टरनेसनल कलेज र मोर्गन इन्टरनेसनल कलेजबीच हुनेछ । दुवै सेमिफाइनल शुक्रबार हुनेछ ।
