काठमाडौं (हाम्रो खेलकुद)– थाइल्यान्डमा आजबाट सुरु हुने महिला एसिया कपमा नेपालले टेस्ट मान्यता प्राप्त राष्ट्र पाकिस्तानसँग प्रतिस्पर्धा गर्दैछ । बैंककको ट्रेडथाई मैदानमा खेल नेपाली समय अनुसार दिउँसो १२ः४५ मा सुरु हुनेछ ।

रुविना क्षेत्रीको कप्तानीमा रहेको १५ सदस्यीय नेपाली टोलीमा सबनम राई, इन्दु बर्मा, ज्योति पाण्डे, सरस्वति चौधरी, रश्मि शर्मा, करुणा भण्डारी ,सरिता मगर, सिता रानामगर, नेरी थापा मगर, निरा राजोपाध्याय रोशनी बोहरा, शोभा आले र संगिता राई छन् । शोभाले पुनरागमन गरेकी हुन् भने संगिता पहिलो पटक टोलीमा समेटिएकी हुन् । टोलीको प्रशिक्षकमा राष्ट्रिय टोलीका पूर्व खेलाडी राजु बस्न्यात छन् ।
प्रतियोगितामा त्यस्तै अन्य टेस्ट मान्यता प्राप्त सदस्य भारत, बंगलादेश, श्रीलंकासहित थाइल्यान्डको पनि सहभागिता छ । आजै अर्को खेलमा भारत र बंगलादेशबीच प्रतिस्पर्धा हुनेछ । बिहीबारको अभ्यास खेलमा नेपाल थाइल्यान्डसँग १९ रनले पराजित भएको थियो ।