काठमाडौं (हाम्रो खेलकुद)– एसिसी महिला एसिया कप टि ट्वान्टीमा पाकिस्तानविरुद्धको खेलमा नेपालले पहिले ब्याटिङ गर्नेछ । नेपालले टस जितेर ब्याटिङ रोजेको हो । खेल केही समयमा सुरु हुनेछ ।
रुविना क्षेत्रीको कप्तानीमा रहेको १५ सदस्यीय नेपाली टोलीमा सबनम राई, इन्दु बर्मा, ज्योति पाण्डे, सरस्वति चौधरी, रश्मि शर्मा, करुणा भण्डारी ,सरिता मगर, सिता रानामगर, नेरी थापा मगर, निरा राजोपाध्याय रोशनी बोहरा, शोभा आले र संगिता राई छन् । शोभाले पुनरागमन गरेकी हुन् भने संगिता पहिलो पटक टोलीमा समेटिएकी हुन् । टोलीको प्रशिक्षकमा राष्ट्रिय टोलीका पूर्व खेलाडी राजु बस्न्यात छन् ।
यसअघि पहिलो खेलमा भारतले बंगलादेशलाई ६४ रनले हराएको छ । पहिले ब्याटिङ गरेको भारतले २० ओभरमा ६ विकेट गुमाएर १ सय १८ रन बनाएको थियो । जवाफमा बंगलादेशले १८.२ ओभरमा सबै विकेट गुमाएर ५४ रन मात्र बनाउन सक्यो ।
