काठमाडौं (हाम्रो खेलकुद)– थाइल्यान्डमा जारी एसिसी महिला एसिया कप टि ट्वान्टी क्रिकेटमा सोमबार नेपालले श्रीलंकाको सामना गर्नेछ । दुवै टोली पहिलो जितको खोजीमा हुनेछन् ।

पहिलो दिन शनिबार नेपाललाई ९ विकेटले हराएको पाकिस्तानले आइतबार श्रीलंकालाई पनि ८ विकेटले हराएको थियो । तर, नेपाली टोलीको भन्दा श्रीलंको ब्याटिङ उत्कृष्ट रह्यो । पाकिस्तानविरुद्ध नेपाल टोली ४७ रनमा अलआउट भएको थियो । त्यहि पाकिस्तानविरुद्ध श्रीलंकाले भने २० ओभरमा ८ विकेटको नोक्सानीमा १ सय १२ रन बनाएको थियो ।
प्रतियोगितामा पाकिस्तान जस्तै भारतले पनि सुरुआती दुई खेल जितिसकेको छ । बंगलादेशलाई पहिलो खेलमा ६४ रनले हराएको भारतले आइतबार आयोजक थाइल्यान्डलाई ९ विकेटले नै हराएको थियो । सोमबारनै थाइल्यान्ड र बंगलादेशबीच प्रतिस्पर्धा हुनेछ ।