काठमाडौं (हाम्रो खेलकुद)– थाइल्यान्डमा जारी एसिसी महिला एसिया कप टि ट्वान्टीको दोस्रो खेलमा सोमबार नेपाल ८ विकेटले पराजित भएको छ । २४ रनको झिनो लक्ष्य पछ्याएको श्रीलंकाले ४.३ ओभरमा २ विकेट गुमाउँदै जित हासिल गरेको थियो ।
श्रीलंकाले टस जितेर पहिले ब्याटिङको निम्तो पाएको नेपालले १६.२ ओभरमा २३ रन मात्र बनाउन सक्यो । नेपालका लागि सबैभन्दा बढी ओपनर ज्योती पाण्डेले १६रन बनाईन । अन्य कुनै पनि खेलाडीले दोहोरो अंकमा रन जोड्न सकेनन् । श्रीलंकाका लागि कुमारी र रानाविराले समान ३ विकेट लिईन ।
२४ रनको झिनो लक्ष्य लिएर ब्याटिङ गर्न आएको श्रीलंकाले २ विकेट गुमाउदै निर्धारित लक्ष्य पुरा गरेको थियो । ४.३ ओभरमा लक्ष्य पुरा गरेको श्रीलंकाका लागि हसिनी परेराले १७, मेन्डिसले ७, अटापट्टुले १ र मानोडराले १ रन बनाईन । नेपालका लागि करुणा भण्डारी र रुबिना छेत्रीले १-१ विकेट लिएका थिए ।
