काठमाडौं (हाम्रो खेलकुद): थाइल्यान्डमा जारी एसिसी महिला एसिया कप टि ट्वान्टीको तेस्रो खेलमा मंगलवार नेपालले बाङ्लादेशबिरुद्ध १३४ रनको लक्ष्य पाएको छ । बाङ्लादेशले टस जित्दै पहिले ब्याटिङ रोजेको थियो ।
सुरुवातबाटै राम्रो ब्याटिङ गरेको बाङ्लादेशले पुरा २० ओभर खेल्दै ४ विकेट गुमाएर १३३ रन जोडेको थियो । बाङ्लादेशका लागि ओपेनरद्वय सन्जिदा र सुल्तनाले क्रमस: ३५ र ३९ रन बनाएका थिए । चौथो विकेटको लागि क्रीजमा आएकी रुमनाले ९ बलमा १७ रनको आक्रमक पारी खेलेकी थिइन । नेपालको लागि संगीता राईले २ तथा रुबिना र सिताले १-१ विकेट लिएकी थिईन ।
