default_image

2 years ago

February 19, 2022

शरदले टि२० विश्वकप छनोट गुमाउने

82 views

0 Bookmark

मस्कट (हाम्रो खेलकुद) – नेपाली राष्ट्रिय क्रिकेट टोलीका अनुवभी ब्याटर शरद भेषावकरले ओमानमा जारी आइसिसी टि२० विश्वकप छनोट ए गुमाउने भएका छन् ।

चोटका कारण शरदले प्रतियोगितानै गुमाउने भएपछि नेपालले उनको स्थानमा कुशल मल्ललाई मौका दिएको छ । कुशल फिलिपिन्ससँगको खेलमा प्लेइङ ११ मा समेत छन् । मस्कटमा रहेको ओमान क्रिकेट एकेडेमी ग्राउन्डमा फिलिपिन्ससँग नेपालले टस हारेर पहिला ब्याटिङ गर्दै छ । नेपालले ओमानसँगको खेलबाट विवेक यादव र कमलसिंह ऐरीलाई विश्राम दिएको छ । गुलशन झा र कुशल मल्ललाई आजको प्लेइङ ११ मा खेलाएको छ ।

कुशल यसअघि नेपालको अन्तिम १४ सदस्य घोषणा टोलीमा थिएनन् । ओमानसँग शुक्रबार शरदको स्थानमा बेन्चमा थिए । शरदको एंकलको चोटको कारण प्रतियोगिता गुमाउने भएका हुन् । जारी प्रतियोगितामा चोटको कारण गुमाउने शरद दोस्रो खेलाडी हुन् । यसअघि करण केसीले ब्याक इन्जुरीको कारण गुमाउँदा गुलशन झाले उनको स्थान लिएका थिए । गुलशनले नेपालको ओडिआईबाट खेलि सकेका छन् । टि२० आईमा डेब्यू खेल हो ।

चार देश सम्मिलित टि२० आई सिरिजमा शरदको प्रदर्शन भने राम्रो थिएन । ३ खेलमा १५ रन बनाएका थिए । शरद ओमानसँग ४ बलमा ४ रनमा र युएईसँग ८ बलमा १० रनमा अविजित थिए । आयरल्यान्डसँग ३ बलमा १ रन बनाए । कुशल मल्लले ११ टि२० आई खेलमा १४९.०५ को स्ट्राइक रेटमा १ सय ५८ रन बनाएका छन् ।

गत वैशाखमा भएको त्रिकोणात्मक टि२० आई सिरिजको फाइनलमा नेपालले निर्धारित २० ओभरमा ३ विकेट गुमाउँदै २ सय ३८ रन बनायो । नेपालले टि२० आईमा बनाएको सर्वाधिक ठूलो योगफल थियो । कुशलले २४ बलमा ५ छक्का र २ चौकासहित ५० रनको कीर्तिमानी अविजित इनिङ खेलेपछि सम्भव भएको थियो ।

दुई वर्षअघि अमेरिकासँग टियु मैदानमा ओडिआईमा डेब्यू खेलमा कुशलले अर्धशतक जोडेका थिए । कुशल ओडिआई र टि२० दुवैमा अर्धशतक बनाउने विश्वकै कान्छा खेलाडी हुन् । कुशल विष्फोटक ब्याटिङसँगै पार्टटाइमका राम्रा स्पिनर हुन् । उनी टोलीमा हुँदा बायाँ हाते खेलाडीको सन्तुलन पनि मिल्नेछ ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

इङ्ल्यान्डसँग ओमान चौथो ओभरमै पराजित

एजेन्सी – ओमानले दिएको लक्ष्य चौथो ओभरमै पूरा गर्दै इङ्ल्यान्डले आइसिसी टि-२० विश्वकपमा सुपर एटमा पुग्ने सम्भावना कायमै राखेको छ । इङ्ल्यान्डले शुक्रबार बिहान ओमान माथि ८ विकेटको जित दर्ता गरेको हो । ओमानले दिएको ४८ रनको झिनो लक्ष्य इङ्ल्यान्डले ३.१ ओभरमा २ विकेट गुमाएर पूरा गर्यो । इङ्ल्यान्डका लागि कप्तान जस बटलरले ८ बलमा […]

Success

Thank you for your time.