काठमाडौं (हाम्रो खेलकुद) – ओमानमा जारी आइसिसी टि२० विश्वकप छनोट ए मा नेपाल समूह चरणको अन्तिम खेलमा क्यानडासँग पराजित भएपनि सेमिफाइनलमा पुग्ने समिकरण छ । समूह बी को शीर्ष स्थानमा रहेको नेपाल र क्यानडाबीच सोमबार ओमान क्रिकेट एकेडेमी ग्राउन्ड–१ मा दिउँसो ३ : ४५ मा सुरु हुनेछ ।

नेपाल विजयी भएमा शीर्षस्थानमा रहँदै समूह विजेताको रुपमा सेमिफाइनल खेल्नेछ । नेपाल सेमिफाइनल खेल्न सामान्य अन्तरले पराजित हुँदा पनि पुग्नेछ । नेपाल २ खेलमा ४ अंकका साथ शीर्षस्थानमा छ । नेपालको नेटरनरेट ४.३७५ छ । क्यानडा २ खेलमा १ मा जित र १ म हार सहित २ अंकका साथ दोस्रो स्थानमा छ । क्यानडाको रेटरनरेट २.५१२ छ । क्यानडाले अन्तिम खेलमा नेपाललाई पराजित गरेपनि नेटरनरेटमा ध्यान दिनुपर्ने हुन्छ ।

अन्यथा समान चार अंकका साथ नेपाल नेटरनरेटमा अघि रहँदै नेपाल सेमिफाइनल खेल्नेछ । नेपालको नेटरनरेटलाई पछि पार्न क्यानडाले लगभग ३७ रनभन्दा माथिको अन्तरले जित्नुपर्छ । लक्ष्य पछ्याउँदा कति ओभर अघि जित्ने योगफलमा निर्भर हुनेछ । यता घरेलु टोली ओमान भने नेपालको जित चाहन्छ ।

नेपालले क्यानडालाई हराउँदा ओमानले फिलिपिन्सलाई जितेमात्र सेमिफाइनलमा पुग्नेछ । तर नेपाल पराजित भएमा ओमानले फिलिपिन्सलाई फराकिलो अन्तरले हराउनुपर्छ । रनको अन्तर धेरै फराकिलो हुनुपर्छ । ओमानको नेटरनरेट माइसन ०.५६३ छ । ओमानले अहिलको अवस्थामा नेपाल र क्यानडालाई नेटरनरेटमा पछि पार्न १ सय ७० रनमाथिले हराउनुपर्छ । तर ओमान र फिलिपिन्सबीच खेल ३ः ४५ मै सुरु हुनेछ । त्यसैले ओमानले कति रनको अन्तरले भन्न मिल्दैन । नेपाल र क्यानडाबीचको नतिजाले फरक पार्नेछ ।

नेपालले पहिलो खेलमा ओमानलाई ३९ रनले हराउँदा दोस्रो खेलमा फिलिपिन्सलाई १ सय ३६ रनले पराजित गरेको थियो । सेमिफाइनलमा फिलिपिन्स बाहेक अन्य सबै टोलीको सम्भावना बाँकी छ । सोमबार पहिलो खेलमा जमर्नी र आयरल्यान्ड तथा दोस्रो खेलमा बहराइन र युएईबीच प्रतिस्पर्धा हुनेछ । दुवै

७ टोलीको सेमिफाइनल समिकरण यस्तो छ : विश्वकप छनोटको सेमिफाइनल पुग्न कसलाई के आवश्यक ?