काठमाडौं (हाम्रो खेलकुद) – थाइल्यान्डमा जारी एसिसी महिला एसिया कप टि ट्वान्टीमा लगातार खराब प्रदर्शन चौथो खेलमा पनि रोकिएन । नेपालले थाइल्यान्डलाई ६४ रनको लक्ष्य दिएको छ । बुधबार टस जितेर आयोजक थाइल्यान्डविरुद्ध पहिले ब्याटिङ रोजेको नेपाल १९.५ ओभरमा ६३ रनमा अलआउट भएको छ ।
ओपनर ज्योति पाण्डे र सीता मगरले पहिलो विकेटका लागि ३० रनको साझेदार गरेपनि त्यसपछि लामो साझारी हुन सकेन ।
ज्योतिले १६ र सीताले ९ रन बनाइन् । अघिल्ला खेलहरुमा जस्तै नेपाली खेलाडीले सम्हालिएर ब्याटिङ गर्न सकेनन् । कप्तान रुविन क्षेत्रीले ८, नेरी थापाले ७, इन्दु बर्माले १, रश्मि शर्माले १, काजल श्रेष्ठले २, सरिता मगरले ४ र करुण भण्डारीले २ रन बनाएका थिए । थाइल्यान्डका लागि सोरनारी तिप्चे र सुलिपोर्न लोमीले समान २ विकेट लिए । नेपाल प्रतियोगिता अघिको अभ्यास खेलमा थाइल्यान्डसँग पराजित भएको थियो ।
टि ट्वान्टीमा अघिल्ला तिन खेलमा पाकिस्तान, श्रीलंका र बंगलादेशसँग पराजित भएको नेपालले शुक्रबार भारतको सामना गर्नेछ ।
