एजेन्सी – विकेटकिपर ऋषभ पन्तको उत्कृष्ट आक्रामक ब्याटिङको सहयोगमा भारतले श्रीलंकासँग पहिलो टेस्ट खेलमा बलियो योगफल बनाएको छ । मोहालीमा टस जितेर पहिला ब्याटिङ थालेको भारत पहिलो दिनको समाप्तिमा ८५ ओभरमा ३५७–६ को बलियो अवस्थामा छ ।

भारतका लागि सर्वाधिक रन बनाएका ऋषभ पन्त ९७ बलमा ९ चौका र ४ छक्कासहित आक्रामक ९६ रन जोड्दै बोल्ड आउट भए । रविन्द्र जडेजा ८२ बलमा ५ चौकासहित ४५ रनमा अविजित छन् । रविचन्द्रन आश्विन ११ बलमा २ चौकासहित १० रनमा अविजित छन् ।
ओपनर मयंक अग्रवाल ३३ र कप्तान रोहित शर्मा २९ रनमा आउट भएका थिए ।

आफ्नो टेस्ट करिअरको एक सय खेल खेलेका विराट कोहली ७६ बलमा ५ चौकासहित ४५ रनमा बोल्ड आउट भए । विराटलाई स्पिनर लासिथ एम्बुल्डेनियाले बोल्ड गर्दै पेभेलेन फर्काए । तेस्रो विकेटका लागि कोहलीले हनुमा विहारीसँग १ सय ५५ बलमा ९० रनको साझेदरी गरे । विहारी विश्व फर्नान्डोको बलमा ५८ रनमा बोल्ड भए । उनले १ सय २८ बलमा ५ चौका प्रहार गरे ।

पन्त आफ्नो टेस्ट करिअरको पाँचौं शतक प्रहार गर्न मात्र चार रनले चुके । उनलाई तीव्र गतिका बलर सुरंगा लकमलले दिनको अन्तिम समय तिर ८१ औं ओभरको पाँचौं बलमा बोल्ड गर्दै पेभेलिएन फर्काए । ४८ बल खेलेका श्रेयस ऐर ३ चौकासहित २७ रनमा धनन्जय डि सिल्भाको बलमा एलबीडब्लू धरापमा परे ।