काठमाडौं (हाम्रो खेलकुद) – युवा स्टार ब्याटर रोहित पौडेल सोमबारदेखि सुरु हुने नेपाल, मलेसिया र पपुवा न्युगिनीबीचको त्रिकोणात्मक टि२० आई सिरिजको लागि टोलीमा थपिएका छन् । सोमबार नेपालले पपुवा न्युगिनीसँग खेल्नुअघि रोहितलाई टि२० आई टोलीमा थपेको नेपाल क्रिकेट संघ (क्यान) ले जनाएको छ ।

यसअघि रोहित ओडिआई टोलीमा मात्र थिए । पछिल्लो समय राम्रो प्रदर्शन गर्दै आएका रोहितले पपुवा न्युगिनीसँगको दुई ओडिआई खेलमा पनि सानदार प्रदर्शन गरेका थिए । पहिलो खेलमा रोहितले १ सय ७ बलमा ७ चौका र ४ छक्कासहित १ सय २६ रनको सानदार शतकीय इनिङ खेलेका थिए । जुन नेपालबाट अन्तर्राष्ट्रिय क्रिकेटमा बनेको सर्वाधिक उच्च स्कोर हो ।

दोस्रो खेलमा ३४ रन जोडेका थिए । अघिल्लो साता आइसिसी विश्वकप लिग–२ मा रोहितले युएई भ्रमणमा उच्च प्रदर्शन गरेका थिए । युुएई भ्रमणमा रोहितले पपुवा न्युगिनीविरुद्ध ६०, युएईविरुद्ध ४६ र पपुवा न्युगिनीविरुद्ध दोस्रो खेलमा ४४ रनको अविजित इनिङ खेलेका थिए । गत असोजमा ओमान भ्रमणमा पनि त्यतिनै सानदार प्रदर्शन गरेका थिए । रोहित मध्यक्रममा भरपर्दा ब्याटर हुन् । मध्यक्रम बलियो बनाउन रोहितलाई थपेको हो ।

रोहित २०१९ को १३ औं दक्षिण एसियाली खेलकुद (साग) मा माल्दिभ्यस सँगपछि नेपालको टि२० आई टोलीमा भने छैनन् । रोहितले नेपालबाट ११ टि२० आई खेलमा ८० रन बनाएका छन् । उच्च प्रदर्शन १९ रनछ । आज पपुवा न्युगिनीविरुद्ध नेपालले रोहितलाई खेलाउने सम्भावना छ । रोहितले आज तेस्रो नम्बरमा ब्याटिङ गर्ने सम्भावना छ ।

नेपालको टोली :

सन्दीप लामिछाने (कप्तान), आरिफ शेख, कुशल भुर्तेल, सोमपाल कामी, दीपेन्द्रसिंह ऐरी, सागर ढकाल, कमलसिंह ऐरी, आसिफ शेख, करण केसी, अभिनाश बोहरा, विवेक यादव, रोहित पौडेल, दीलिप नाथ, लोकेश बम, कुशल मल्ल र आदिल अन्सारी ।

टि२० त्रिकोणात्मक सिरिज

चैत १४ (मार्च २८) – नेपालविरुद्ध पपुवा न्युगिनी, दिउँसो १२:३०

चैत १६ ( मार्च ३०) – नेपालविरुद्ध मलेसिया, दिउँसो १२:३०

चैत १७ (मार्च ३१) – नेपालविरुद्ध पपुवा न्युगिनी, दिउँसो १२: ३०

चैत १९( अप्रिल २) – नेपालविरुद्ध मलेसिया, दिउँसो १२: ३०

चैत २१ ( अप्रिल ४) – फाइनल शीर्ष दुई टोली, दिउँसो १२: ३०

पपुवा न्युगिनीविरुद्ध नेपालको सम्भावित प्लेइङ–११

पपुवा न्युगिनीसँग बदला लिने सोचमा नेपाल

रोहितको सानदार शतकका बाबजुद नेपालको नाटकीय हार