2 years ago
March 31, 2022
काठमाडौं (हाम्रो खेलकुद) – लखनऊ सुपर जायन्ट्सले इन्डियन प्रिमियर लिग (आइपिएल) २०२२ मा चेन्नई सुपर किंग्समाथि सानदार जित हात पारेको छ । डेब्यू प्रतियोगिता खेलेको लखनऊले चार पटकको च्याम्पियन चेन्नईलाई ६ विकेटले हराउँदै पहिलो जित हात पारेको हो । २ सय ११ रनको विशाल विजयी लक्ष्य पछ्याएको लखनऊले १९.३ ओभरमा ४ विकेट गुमाउँदै पूरा गर्यो […]
काठमाडौं (हाम्रो खेलकुद) – लखनऊ सुपर जायन्ट्सले इन्डियन प्रिमियर लिग (आइपिएल) २०२२ मा चेन्नई सुपर किंग्समाथि सानदार जित हात पारेको छ । डेब्यू प्रतियोगिता खेलेको लखनऊले चार पटकको च्याम्पियन चेन्नईलाई ६ विकेटले हराउँदै पहिलो जित हात पारेको हो ।
२ सय ११ रनको विशाल विजयी लक्ष्य पछ्याएको लखनऊले १९.३ ओभरमा ४ विकेट गुमाउँदै पूरा गर्यो । लखनऊको जितमा नायक बनेका एविन लेविस २३ बलमा ६ चौका र ३ छक्कासहित ५५ रनमा अविजित रहे । आयुष बदोनी ९ बलमा २ छक्कासहित १९ रनमा अविजित रहे ।लखनऊलाई जितको लागि अन्तिम १२ बलमा ३४ रन चाहिँएको थियो ।
१९ औं ओभरमा शिवम दुबेले २५ रन खर्चेपछि खेल हातबाट निस्केको थियो । १९ औं ओभरको पहिलो बलमै आयुष बदोनीले छक्का प्रहार गरे । त्यसपछि लेविसले चौथो र पाँचौं बलमा चौका प्रहार गरे । अन्तिम बलमा छक्का प्रहार गर्दै जित पक्का गराए । ओपनर क्विन्टन डि ककले ४५ बलमा ९ चौकासहित सर्वाधिक ६१ रनको योगदान दिए ।
ओपनर लोकेश राहुल र डि ककले पहिलो विकेटका लागि १०.२ ओभरमा ९९ रनको साझेदारी गर्दै उत्कृष्ट सुरुवात दिलाएका थिए । राहुल २६ बलमा २ चौका र ३ छक्कासहित ४० रनमा आउट भए । मनिष पाण्डे ५ र दीपक हुडा १३ रनमा आउट भए । चेन्नईका ड्वेन प्रिटोरियसले ४ ओभरमा ३१ रन खर्चेर २ विकेट लिए । तेषार देशपान्डेले ४ ओभरमा ४० रन खर्चेर १ विकेट लिए । ड्वेन ब्राभोले १ विकेट लिए ।
त्यसअघि ब्रेबोर्नमा टस जितेर पहिला ब्याटिङ थालेको चेन्नईले निर्धारित २० ओभरमा ७ विकेट गुमाउँदै २ सय १० रन बनाएको थियो । चेन्नईका ओपनर रोबिन उथप्पाले २७ बलमा ८ चौका र १ छक्कासहित सर्वाधिक ५० रनको योगदान दिए । शिवम दुबेले ३० बलमा ५ चौका र २ छक्कासहित ४९ रनमा क्याच आउट भए ।
ओपनर ऋतुराज गायकवाड १ रनमा आउट हुँदा तेस्रो नम्बरका मोईन अली २२ बलमा ४ चौका र २ छक्कासहित ३५ रनमा आउट भए । अली आवेश खानको बलमा बोल्ड आउट भए । उथप्पालाई स्पिनर रवि विश्रोईले एलबीडब्लू आउट गरे । लखनऊले रिभ्यु लिँदै उथप्पालाई पेभेलिएन फर्काएको थियो । अम्बाति रायुडू २० बलमा २ चौका र २ छक्कासहित २७ रनमा विश्रोईको बलमा बोल्ड आउट भए ।
रविन्द्र जडेजा ९ बलमा ३ चौकासहित १७ रनमा आउट भए । धोनी ६ बलमा २ चौका र १ छक्कासहित १७ रनमा अविजित रहे । लखनऊका स्पिनर रवि बिश्रोईले ४ ओभरमा २४ रन खर्चेर २ विकेट लिए । आवेश खानले ४ ओभरमा ३८ रन खर्चेर २ विकेट लिए । एन्ड्रयु टाईले ४ ओभरमा ४१ रन खर्चेर २ विकेट लिए ।
पहिलो खेलमा चेन्नई कोलकातासँग ६ विकेटले पराजित भएको थियो । लखनऊ गुजरात टाइटन्ससँग ५ विकेटले पराजित भएको थियो । चेन्नईले अव आइतबार पन्जाब किंग्ससँग खेल्नेछ । लखनऊले सोमबार सनराइजर्स हैदराबादसँग खेल्नेछ ।
May 3, 2024
एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
काठमाडौं (हाम्रो खेलकुद) – वेस्ट इन्डिज ‘ए’ ले एक खेल बाँकी छँदै नेपाल विरुद्धको टि-२० सिरिज उपाधि जितेको छ । बिहिवार भएको चौथो खेलमा पनि जित दर्ता गर्दै पाहुना टोलीले एक खेल अगावै ३-१ ले सिरिज जितेको हो । पहिलो खेलमा हार बेहोरेको वेस्ट इन्डिज ‘ए’ ले लगातार तेस्रो जित दर्ता गर्ने क्रममा नेपाललाई २८ […]
