4 years ago
April 6, 2022
एजेन्सी – पाँच पटकको च्याम्पियन मुम्बई इन्डियन्सले इन्डियन प्रिमियर लिग (आइपिएल) २०२२ मा आज कोलकाता नाइट राइडसँग खेल्दैछ । खेल नेपाली समय अनुसार साँझ ७ : ४५ मा महाराष्ट्र क्रिकेट एसोसियसन स्टेडियम पुणेमा सुरु हुनेछ ।

रोहित शर्माको कप्तानीमा रहेको मुम्बई यस सिजनमा पहिलो जित निकाल्ने सोचमा हुनेछ । मुम्बई पहिलो खेलमा दिल्ली क्यापिटल्ससँग ४ विकेट र दोस्रो खेलमा राजस्थान रोयल्ससँग २३ रनले पराजित भएको थियो । श्रेयस ऐरको कप्तानीमा रहेको कोलकाता भने तेस्रो जितका साथ शीर्ष स्थानमा उक्लिने सोचमा हुनेछ ।
कोलकाताले चेन्नई सुपर किंग्स र पन्जाब किंग्सलाई समान ६ विकेटले हराएको थियो । रोयल च्यालेन्जर्स बेंगलोरसँग ३ विकेटले पराजित भएको थियो । आज मुम्बईका प्रमुख ब्याटर सूर्य कुमार टोलीमा फर्किने सम्भावना छ । सूर्य टोलीमा फर्किदा ब्याटिङ मजबुत हुनेछ । ओपनर ईशान किशन भने राम्रो लयमा छन् । रोहितलाई ठूलो इनिङ खेल्न अवश्यक देखिन्छ ।

पछिल्लो खेलमा राजस्थानविरुद्ध युव ब्याटर तिलक बर्माले ३३ बलमा ३ चौका र ५ छक्कासहित ६१ रनको इनिङ खेलेका थिए । तिलकबाट मध्यक्रममा त्यस्तै प्रदर्शन चाहन्छ । आक्रामक ब्याटर काइरन पोलार्ड आफ्नो शैलीको विष्फोटक खेल खेल्न सकेका छैनन् । उनी लयमा फर्किएको खण्डमा भने मुम्बईको जित सहज हुनसक्छ ।
दिल्लीसँग १२ र राजस्थानसँग १ रनमा आउट भएक टिम डेविडको स्थानमा मुम्बईले आजको खेलमा डेवाल्ड ब्रेभिस वा फबिएन एलेन मध्य एकलाई मौका दिनसक्छ । ब्रेभिस यू१९ विश्वकपका सुपर स्टार हुन् । एलन वेस्टइन्डिजका स्पिन अलराउन्डर हुन् ।
यस सिजनमा मुम्बईको बलिङ आक्रामण तुलनात्मक रुपमा कमजोर छ । तीव्र गतिका बलर जस्प्रित बुमराह टोलीका मुख्य हतियार हुन् । तर उनलाई अन्य बलरले राम्रो साथ दिन आवश्यक देखिन्छ । स्पिन आक्रामण कमजोर हुँदा टिम डेविडको स्थानमा फबिएन एलेनको सम्भावना छ ।

यता कोलकाता जितमा तीव्र गतिका बलर उमेश यादवले उत्कृष्ट प्रदर्शन गरेका थिए । कोलकाताको दुबै जितमा उमेश प्लेयर अफ द म्याच चुनिएका थिए । उनले नयाँ बलका साथ पावर प्लेमा उत्कृष्ट प्रदर्शन गर्दै आएका छन् । पछिल्लो खेलमा पन्जाबसँग ४, बेंगलोर र दिल्लीसँग २–२ विकेट लिएका थिए । आजको खेलमा तीव्र गतिका बलर प्याट कमिन्स उपलब्ध हुने सम्भावना छ । कमिन्सले टिम साउथीको स्थान लिनसक्छन् ।
पछिल्लो खेलमा कोलकातालाई सहज जित दिलाउन आन्द्रे रसेलले पन्जाबविरुद्ध ३१ बलमा २ चौका र ८ छक्कासहित ७० रनको विष्फोटक इनिङ खेलेका थिए । रसेल विष्फोटक ब्याटिङका लागि चिनिन्छन् । तर मुम्बईको डेथ ओभरको बलरमा जस्प्रित बुमराह छन् । बुमराह योर्कर र उत्कृष्ट बलिङका लागि माहिर बलर हुन् ।

विश्वका एक उत्कृष्ट र्योकर स्पेलिष्ट बुमराह र विष्फोटक ब्याटर आन्द्रे रसेलबीचको प्रतिस्पर्धा रोचक हुने अनुमान गरिएको छ । छक्काको वर्षा वा योर्करको शिकार हुने कौतहलता हुनेछ । कोलकाताले चार विदेशी खेलाडीको रुपमा आन्द्रे रसेल, सुनिल नारायण, प्याट कमिन्स र साम बिलिंग्सलाई खेलाउने सम्भावना छ । मुम्बईले फबिएन एलेन, टाइमल मिल्स, काइरन पोलार्ड र ड्यानिल साम्सलालाई खेलाउने सम्भावना छ ।
हेड टु हेड :
आइपिएलमा यी दुई टोलीबीच कुल २९ खेल भएको छ । मुम्बई २२ खेलमा विजयी हुँदा ७ खेलमा पराजित भएको छ । पछिल्ला पाँच मध्य चार खेलमा मुम्बई विजयी भएको छ ।
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]