हाम्रो खेलकुद (काठमाडौँ) – केहि महिनाअघि राजधानीको टि.यु. क्रिकेट मैदानमा एभरेष्ट प्रिमिएर लिग (इ.पी.एल) आयोजना भएको थियो।

पन्चकन्या तेजका लागी खेल्दै आसिफ शेख

पन्चकन्या तेजलाइ उपाधि जिताउन उक्त प्रतियोगिताको फाइनलमा शतक प्रहार गर्दै म्यान अफ द म्याचको उपाधि जितेका आशिफ शेख अहिले राष्ट्रिय यु-१९ टोलीको अन्तिम टोलीमा छानिएका छन्। प्रतियोगिता अवधिभर उत्कृष्ट लयमा देखिएका शेख, आफ्नो सहोदर दाइ आरिफ शेखको पथमा हिंडेका छन्। इपिएलका छ खेलमा २२० रन बनाउंदै सबैभन्दा धेरै रन बटुलेका आशिफले फाइनलमा अविजित १११ प्रहार गर्दै निकै वाहवाहि पाएका थिए।

आशिफसंगै अर्का क्रिकेटर दिपेन्द्र सिंह ऐरीको लागि पनि एपिएल फलदायी रह्यो। पन्चकन्या तेजको लागि छ खेल खेलेका एरिले आठ विकेट लिनका साथै ३१.५को औसतमा ६३ रन जोडे।

जगदम्बा राइनोजबाट शक्ति गौचनसंगै स्पिन बलिङ गरेका पवन सर्राफ पनि टोलीमा समावेश गरिएका छन्। शर्राफले प्रतियोगितामा पांच विकेट लिएका थिए भने उनको इकोनोमी छ रन प्रति ओभरको थियो।

यस्तै कान्तिपुर गुर्खाजको लागि चार खेलमा १४को औसतले ४२ रन जोडेका अनिल कुमार साह पनि टोलीमा परेका छन्। सगरमाथा लेजेन्ड्सबाट चार खेलमा ३१ रन जोडेका सन्दिप सुनारपनि टोलीमा अटाएका छन्।