काठमाडौं (हाम्रो खेलकुद) – नेपाल क्रिकेट संघ (क्यान) ले जिम्बावे ए सँग यसै महिना घरेलु मैदानमा खेल्ने तीन एकदिवसिय र तीन टि२० खेलको खेल तालिका सार्वजनिक गरेको छ । तालिका अनुसार नेपालले जिम्बावे ए सँग पहिलो एकदिवसिय खेल वैशाख १७ (अप्रिल ३०) मा पहिलो खेल खेल्नेछ ।

तीन एकदिवसिय खेल पछि नेपालले जिम्बावे ए सँग नै टि२० खेल खेल्ने छ । जिम्बावे ए सँगको खेल लिष्ट ए र टि२० मान्यता हुने वा नहुने भने पक्का भएको छैन । नेपाल क्रिकेट संघ (क्यान) का क्रिकेट म्यानेजर विनोद दासका अनुसार आइसिसीलाई उक्त मान्यता दिन प्रक्रिया अघि बढाउने बताए । जिम्बावेको ए टोलीसँग खेलेको हुँदा लिष्ट ए को मान्यता पाउने वा नपाउने आइसिसीको स्वृकितपछि मात्र थाहा हुनेछ ।

नेपालले आइसिसी विश्वकप लिग–२ अन्तर्गत जुनमा अमेरिका र ओमानसँग त्रिकोणात्मक ओडिआई सिरिज खेल्नेछ । अमेरिका लगत्तै नेपालले विश्वकप लिग–२ खेल्न स्कटल्यान्ड भ्रमण गर्नेछ । उक्त महत्वपूर्ण सिरिज अघि नेपालले तयारीको लागि जिम्बावे ए सँग खेल्ने भएको हो ।

नेपालले गत हप्ता त्रिकोणात्मक टि२० आई सिरिजको उपाधि जितेको छ । घरेलु मैदान टियुमा नेपालले पपुवा न्युगिनीसँगको फाइनलमा ५० रनको जित निकाल्दै च्याम्पियन बनेको थियो । विश्वकप लिग–२ मा नेपाल १२ खेलमा ६ मा जित र ६ मा हार सहित १२ अंकका साथ छैटौं स्थानमा छ ।

७ टोली सहभागी यस विश्वकप लिग–२ का शीर्ष तीन टोली सोझैं आगमी वर्ष एकदिवसिय विश्वकप छनोट खेल्न पाउनेछन् । बाँकी चार टोलीले प्ले अफ खेल्नेछन् ।

नेपाल र जिम्बावे ए सँगको तालिका

वैशाख १७ (अप्रिल ३०) : पहिलो एकदिवसिय खेल

वैशाख १९ (मे २) : दोस्रो एकदिवसिय खेल

वैशाख २१ (मे ४) : तेस्रो एकदिवसिय खेल

वैशाख २३ ( मे ६) : पहिलो टि२० खेल

वैशाख २४ ( मे ७) : दोस्रो टि२० खेल

वैशाख २६ ( मे ९) : तेस्रो टि२० खेल