default_image

2 years ago

April 21, 2022

नेपालसँग खेल्ने जिम्बावेको ए टोलीमा ८ सिनियर खेलाडी

133 views

0 Bookmark

काठमाडौं (हाम्रो खेलकुद) – जिम्बावे क्रिकेट बोर्डले नेपालसँग खेल्ने तीन एकदिवसिय र तीन टि२० सिरिजको लागि १५ सदस्य टोली घोषणा गरेको छ । घोषणा टोलीमा ८ खेलाडीले जिम्बावेबाट खेलेका छन् । तर नेपाल भ्रमण गर्ने जिम्बावे ए को टोलीमा ठूला स्टार खेलाडी भने छैनन् ।

धेरै खेलाडी जिम्बावेको सिनियर टोलीदेखि बाहिर रहेका छन् । २७ वर्षीय ल्यूक जोंगवे नेपाल आउने जिम्बावेका सवैभन्दा ठूला नाम गरेका खेलाडी हुन् । उनले १ टेस्ट, २८ ओडिआई र २२ टि२० आई खेल खेलेका छन् । तीव्र गतिका बलिङ अलराउन्डर ल्यूकले ओडिआईमा ३३ विकेट र टि२० आईमा ३४ लिएका छन् । उनले पछिल्लो पटक सेप्टेम्बरमा स्कटल्यान्डविरुद्ध खेलेका थिए ।

गतवर्ष अप्रिलमा जिम्बावेले पाकिस्तानलाई दोस्रो टि२० खेलमा १९ रनले हराउँदा ल्यूकले ३.५ ओभरमा १८ रन खर्चेर ४ विकेट लिँदै प्लेयर अफ द म्याच चुनिएका थिए । चार मध्य दुई बाबर आजम र मोहम्मद रिजवानको विकेट थियो । ल्यूक जोंगवे नेपाललाई घातक बन्न सक्ने खेलाडी हुन् । तीव्र गतिका बलर नाउचीले जिम्बावेबाट ६ टेस्ट खेलमा १५ विकेट लिएका छन् ।

मुतोम्बोड्जी टिनोटेन्डाले १ टेस्ट र १५ ओडिआई खेल खेलेका छन् । टोनी मुनयोंगाले ५ टि२० आई खेल खेलेका छन् । उनले पछिल्लो पटक सिंगापुरविरुद्ध २०१९ मा खेलेका थिए । २५ वर्षीय ब्रेन्डन मभुताले २ टेस्ट र ७ ओडिआई खेलेका छन् । उनले २०१९ मा युएईसँगको खेलपछि सिनियर टोलीबाट खेलेका छैनन् । शीर्षक्रमका ब्याटर मारुमणी तादिवानाशेले ३ ओडिआई र ११ टि२० आई खेल खेलेका छन् । उनले पछिल्लो समय गतवर्ष सेप्टेम्बरमा स्कटल्यान्डविरुद्ध टि२० आई खेल खेलेका थिए ।

११ टि२० आईमा १ सय १८ रन मात्र बनाएका छन् । रोय किलाले ३ टेस्टमा ५९ रन बनाएका छन् । काइया इनोसेन्टले १ टि२० खेल खेलेका छन् । अन्य खेलाडीले भने जिम्बावेको सिनियर टोलीबाट खेलेका छैनन् । जिम्बावेले घरेलु मैदानमा हुने दक्षिण अफ्रिका ए सँगको सिरिजको लागि पहिलो रोजाईका खेलाडी राखेको छ । जिम्बावे ११ ले दक्षिण अफ्रिका ए सँग तीन एकदिवसिय र पाँच टि२० क्रिकेट खेल्ने छ । जुन सिरिज २५ अप्रिल देखि १० मे सम्म हुनेछ ।

रयान बर्ल, मधर्वे विस्ली, सिकन्दर राजा, तिरिपानो डोनाल्ड जिम्बावे ११ को टोलीमा छन् । जिम्बावेका वर्तमान समयका प्रमुख खेलाडी तीव्र गतिका बलर ब्लेसिङ मुर्जाबानी भने इन्डियन प्रिमियर लिग (आइपिएल) को लागि लखनऊ सुपर जायन्ट्समा छन् । जिम्बावेको ए टोली हुँदा ओडिआई र लिष्ट ए कुनैपनि मान्यता पाउने छैन ।

एकदिवसिय र टि२० दुबै खेलको प्रदर्शन अन्तर्राष्ट्रिय प्रदर्शनमा जोडिने छैन । नेपाल क्रिकेट संघ (क्यान) का क्रिकेट म्यानेजर विनोद दासले यस सिरिजले लिष्ट ए मान्यता नपाउने जनाएका छन् ।

नेपालले जिम्बावे ए सँग पहिलो एकदिवसिय खेल वैशाख १७ (अप्रिल ३०) मा पहिलो खेल खेल्नेछ । तीन एकदिवसिय खेल पछि नेपालले टि२० खेल खेल्ने छ । नेपालले आइसिसी विश्वकप लिग–२ अन्तर्गत जुनमा अमेरिका र ओमानसँग त्रिकोणात्मक ओडिआई सिरिज खेल्नेछ । अमेरिका लगत्तै नेपालले विश्वकप लिग–२ खेल्न स्कटल्यान्ड भ्रमण गर्नेछ । उक्त महत्वपूर्ण सिरिज अघि नेपालले तयारीको लागि जिम्बावे ए सँग खेल्न लागेको हो ।

नेपाल आउने जिम्बावे ए को टोली :

क्याम्पबेल जोनाथन, इभान्स ब्राडली, ग्वान्डु ट्रेभर, ल्यूक जोंगवे, काइया इनोसेन्ट, काइया रोय, मडान्डे क्लाइभ, मारुमणी तादिवानाशे, मसारा जोन, मौन्जे कुडजाई, माभुता ब्रेन्डन, मुन्योंगा टोनी, मुतोम्बोड्जी टिनोटेन्डा, न्याउची भिक्टर, त्सिग्वागा तफाडजवा ।

नेपाल र जिम्बावे ए सँगको तालिका

वैशाख १७ (अप्रिल ३०) : पहिलो एकदिवसिय खेल

वैशाख १९ (मे २) : दोस्रो एकदिवसिय खेल

वैशाख २१ (मे ४) : तेस्रो एकदिवसिय खेल

वैशाख २३ ( मे ६) : पहिलो टि२० खेल

वैशाख २४ ( मे ७) : दोस्रो टि२० खेल

वैशाख २६ ( मे ९) : तेस्रो टि२० खेल

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.