एजेन्सी – दिल्ली क्यापिटल्सका कप्तान ऋषभ पन्तसहित ३ जनालाई जरिवाना लागेको छ । इन्डियन प्रिमियर लिग (आइपिएल) २०२२ को ३४ औं खेलमा शुक्रबार राती राजस्थान रोयल्सविरुद्ध अन्तिम ओभरमा हाइ फुलटस बलमा नो बलको मागपछि उत्पन्न भएको विवादको कारण ऋषभ पन्त, दिल्लीका सहायक प्रशिक्षक प्रविन अमरे र तीव्र गतिका बलर शार्दुल ठाकुरलाई आइपिएलको नियम अनुसार जरिवाना लागेको हो ।

पन्त र आमरेलाई म्याच फि को शतप्रतिशत र शार्दुल ठाकुरलाई ५० प्रतिशत म्याच फि को जरिवाना लागेको आइपिएलले जनाएको छ । अमरेलाई भने एक खेल पनि प्रतिबन्ध लागेको छ । उनले बिहीबार दिल्लीले खेल्ने कोलकाता नाइट राइडर्ससँगको खेल गुमाउने छन् ।

भएको के थियो ?

जितका लागि २ सय २३ रनको विजयी पछ्याएको दिल्लीले निर्धारित २० ओभरमा ८ विकेट गुमाउँदै २ सय ७ रन बनायो । दिल्लीलाई जितको लागि अन्तिम ६ बलमा ३६ रन चाहिँएको थियो । दिल्लीका रोभम्यान पावेलले तीव्र गतिका बलर ओबेद म्याककोयलाई सुरुवाती तीन बलमा लगातार सानदार छक्का प्रहार गरे । तेस्रो हाइ फुलटस बलमा उनले मिडविकेटमा छक्का प्रहार गरेपछि दिल्लीको आशा जगाए ।

डग आउटमा बसेका दिल्लीका कप्तान ऋषभ पन्त, साहयक प्रशिक्षक प्रविन अमरे, प्रशिक्षक शेन वाटसन र ओपनर डेविड वार्नरले नो बलको ईशारा गरेका थिए । दिल्लीको डग आउटबाट नो बल भएको हुँदा थर्ड अम्पारलाई रिभ्यु लिदै दिन आग्रह थरेका थिए । तर अम्पायर नितिन मेननले मानेनन् ।

दिल्लीको बेन्च साइट लङअनमा पुगेर पन्तले खेलाडीलाई मैदान बाहिर आउन भनेका थिए । खेल रोकेर खेलाडीलाई बाहिर आउन ईशारा गरेको कारण शत प्रतिशत म्याच फि काटिने भएको हो । शार्दुलले पनि आक्रोशका साथ बाहिर आउन ईशारा गर्नुको साथै रिजर्भ अम्पायर सदाशिव ऐरसँग बहस गरेका थिए । त्यसैको कारण ५० प्रतिशत म्याच फि रकम काटिने भएको हो ।

एक खेल प्रतिबन्धित भएका अमरे रिभ्यु लिन माग गर्दै मैदान नै छिरेका थिए । अमरे डग आउटमा रिभ्यु लिन भन्दै त्यहाँबाट उठेर बाहिर आएका थिए । केहि समय आक्रोश पोखेपछि उनी पन्तको सल्लाहमा मैदाननै छिरेका थिए । खेल भावना विपरित हुँदा तीन जनालाई जरिवाना लागेको हो ।

यसअघि यस्तै घटनामा सन् २०१९ मा चेन्नई सुपर किंग्सका कप्तान महेन्द्रसिंह धोनीलाई म्याच फि को ५० प्रतिशत जरिवना लागेको थियो । धोनी पनि हाइ फुलट बलमा नो बल दिएको भन्दै त्यस समय मैदान नै छिरेर आक्रोश पोखेका थिए ।

त्यसअघि वानखडे स्टेडियम मुम्बईमा टस हारेर ब्याटिङको निम्तो पाएको राजस्थानले निर्धारित २० ओभरमा २ विकेट गुमाउँदै २ सय २२ रन बनाएको थियो । राजस्थानका ओपनर जस बटलरले ६५ बलमा ९ चौका र ९ छक्कासहित १ सय १६ रनको उत्कृष्ट इनिङ खेलेका थिए ।

बटलरको यो जारी आइपिएलमा लगातार दोस्रो, यस सिजनको तेस्रो र आइपिएल करिअरको चौथो शतक हो । कप्तान सञ्जु स्यामसन १९ बलमा ५ चौका र ३ छक्कासहित ४६ रनमा अविजित रहे । दिल्लीले अव बिहीबार कोलकाता नाइट राइडर्ससँग खेल्नेछ । राजस्थानले मंगलबार रोयल च्यालेन्जर्स बेंगलोरसँग खेल्नेछ ।

घटनाबारे सम्पूर्ण जानकारी र ऋषभ पन्तको भनाई : अम्पायरको निर्णयमा असन्तुष्ट पन्तले खेलाडीलाई मैदान बाहिर बोलाएपछि…