default_image

2 years ago

May 30, 2022

उद्वेग कविताको विश्वकप र विदेशी लिग खेल्ने सपना

237 views

0 Bookmark

भुपेन्द्र जिसी, काठमाडौं

कविता कुँवर नेपाली महिला क्रिकेटमा देखिएकी सम्भवत हालसम्मकै सर्वाधिक तीव्र गतिमा बलिङ गर्ने क्षमता भएकी खेलाडी हुन् । अघिल्लो साता नेपाली महिला टोलीले युगान्डासँग पाँच महिला टि२० आई सिरिज खेल्दा कविताले आफ्नो गतिको वेगमा सानदार प्रदर्शन गरिन् । कविता सिरिजमा ७ विकेट लिँदै सर्वाधिक विकेट लिने सूचिमा दोस्रो स्थानमा रहिन् ।

तीव्र गती (उद्वेग) कविताको धेरै खेलाडीलाई चाल पाउन कठिन पर्छ । सुरुवाती दुवै खेलमा कविताले पहिलो ओभरमै विकेट लिएकी थिइन् । उनको जस्तो बलिङ गती एसोसियट महिला क्रिकेटरमा कमै पाइन्छ । कविता उमेरले भर्खर १८ वर्ष हुँदा उनको गती र बलिङ स्तर आगमी दिनमा बढ्ने सम्भावना छ ।

निरन्तर राम्रो प्रदर्शनकै आधारमा कलिलो उमेरमै उनले सिनियर टोलीमा पहिलो रोजाईमा स्थान बनाउन सफल भएकी छिन् । नेपाली खेलाडीको फिल्डिङ र फिटनेसको निकै आलोचना हुँदा कविता भने त्यो सुचीमा टाढा थिइन् ।

कविता यो सबै मिहिनेतले सम्भव भएको बताउँछिन् । ‘मिहिनेत गरेपछि प्रदर्शन भइहाल्छ । मैले धेरै मिहिनेत गरेर यहाँसम्म आएको छु’, कविताले भनिन् ।

कविताको उत्कृष्ट प्रदर्शनको सहयोगमा सुदूरपश्चिम प्रदेशले दुवै संस्करणको ललितपुर मेयर्स वुमन्स टि२० च्याम्पियनसिपमा फाइनल खेल खेल्यो । ‘घरेलु क्रिकेटमा धेरैलाई चासो हुन्छ । म जब सम्म टोलीमा छु । त्यो समय सम्म राम्रो गराउन चाहन्छु । अन्तर्राष्ट्रियमा पनि अब हामी युवाले अझ धेरै जिम्मेवारी लिनुपर्ने समय आएको छ’, उनले भनिन् ।

महिला टोलीको सिनियर टोलीमा परेका युवा खेलाडीको प्रदर्शन पनि अपेक्षा अनुसार छैन । तर कविता २०१९ मा डेब्यूपछि लगातार टोलीमा छिन् । कविता नेपालसँगै विदेशी लिग पनि खेल्ने सपना देखेकी छिन् । ‘नेपाली टोली त छँदै छ । मैले विदेशी लिगहरु पनि खेल्ने सोचेको छु । विदेशी खेलाडीको पेश र लाइनमा धेरै ध्यान दिनुपर्छ । मैले त्यसै अनुसार ध्यान दिएको छु’, आफ्नो सपना सुनाइन् ।

कविताले सिनियर टोलीमा ओपनिङ देखि फिनिसर सम्म ब्याटिङ गरेकी छिन् । सन् २०१९ मा कविताले धनगढीमा भएको मुख्यमन्त्री कपमा गण्डकी प्रदेशविरुद्ध आक्रामक शतक प्रहार गरेकी थिइन् । त्यसै वर्ष वुमन्स च्याम्पियनसिप टि२० लिग (डब्लूसिएल) मा पोखरा पल्टनबाट ललितपुर फाल्कन्सविरुद्ध उत्कृष्ट अर्धशतक जोडिन् ।

घरेलु क्रिकेटमा अवसर पाएको समयमा ब्याटिङमा पनि अब्बल सावित गरेकी छिन् । ब्याटिङमा भूमिका भने स्थिर छैन । ‘सिनियर टोलीमा ब्याटिङ पाउन गाह्रो छ । किनभने सिनियर दिदीहरु नै म भन्दा राम्रो खेल्नुहुन्छ । मैले मौका पाएको बेला देखाउने हो । विस्तारै ब्याटिङक्रममा उक्लन खोज्ने छु’, ब्याटिङ क्रमबारे भनिन् ।

कविताले सिनियर र घरेलु क्रिकेट दुवैमा राम्रो जोडी पाउन सकेकी छैनिन् । त्यसको असर व्यक्तिगत प्रदर्शनमा देखिन्छ । राम्रो जोडी नहुँदा उनको प्रदर्शनमा केहि असर परेको देखिन्छ । कविताले पनि त्यो अनुभव गरेकी छिन् । ‘आफूले राम्रो गर्यो । तर अर्को एन्डबाट रन खर्चियो भने पक्कै गाह्रो हुन्छ । अर्को तर्फबाट पनि साथ दिनुपर्छ । मैले डट खेलाएँ भने अर्कोले विकेट लिन्छ । अर्कोले रन दियो भने विपक्षीलाई दबाब हुँदैन र खुलेर खेल्न पाउँछन् । साथ नपाउँदा असर पर्छ नै’, उनले भनिन् ।

नेपालका प्रमुख छनोटकर्ता दीपेन्द्र चौधरी कविता हाल उत्कृष्ट बलर रहेको बताउँछन् । ‘कविता नेपालमा प्रशिक्षणमा रहेको सबैभन्दा राम्रो बलर हो । अरु दुई वर्ष मिहिनेत गर्यो भने पेश पनि बढ्छ । आगमी दिनमा नेपालबाट विदेशी खेलाडी खेल्ने पहिलो रोजाईको खेलाडी हुनसक्छ’, चौधरीले भने ।

‘उनमा ब्याटिङको पनि क्षमता छ । उनले सिएमकपमा शतक पनि हानेकी थिइन् । राम्रो क्षमता भएको एसोसिएट स्तरको खेलाडी हो । उसलाई ट्रेनिङहरु अझै चाहिन्छ । हामीले भारतमा पठाउन पायौं भने झनै राम्रो हुन्छ’, चौधरीले भने ।

‘भविष्य राम्रो छ । फ्रेयर ब्रेक जस्ता प्रतियोगिता भएमा नेपालको लागि पहिलो रोजाईको खेलाडी हुनेछ । मैले एसोसिएट क्रिकेटलाई पछिल्लो समय हेर्दै आएको छु । उ भन्दा तीव्र गतिको बलर एसोसियट टोलीमध्य एसियामा नहोला’, उनले भने ।

कविताले सीताको कप्तानीमा डब्लुसीएल खेलेकी थिइन् । एपिएफको कप्तानी सम्हाल्दै आएकी नेपालकी सर्वाधिक अनुभवी अलराउन्डर सीता धेरै राम्रो गर्न सक्ने बलर भएको बताउँछिन् । ‘कविता एकदमै राम्रो खेलाडी हो । उ धेरै राम्रो हुनसक्छ । डब्लूसिएलमा पनि मैले पहिलो बलरमा रोजेको थिए । उसले अनुशासन र कडा मिहिनेत गरेर गयो भने धेरै राम्रो हुनसक्छ’, सीताले भनिन् ।

‘विभागमा त उसले अहिले पनि स्थान बनाउन सक्छ । म त अहिले विभागीय टोलीमा नआएको राम्रो देख्छु । घरमा आर्थिक समस्या छैन भने बाहिरबाट खेल्दा नै राम्रो हुन्छ जस्तो लाग्छ मलाई’, सीताले भनिन् ।

‘कविताले फास्ट बलिङ कोचको निर्देशनमा काम गर्ने हो भने अझ गती र परिपक्वता आउने थियो । ब्याटरहरुले चार्ज गर्न लाग्यो भने हडबडाउछ । नेपालमा भएको सबैभन्दा तीव्र गतिको बलर होला । परिपक्व हुँदा झनै राम्रो हुनेछ’, उनले भनिन् ।

को हुन् कविता कुँवर ?

कविता कुँवरको जन्म अछामको साँफेबगरमा भएको हो । बुबा गणेश र आमा पावर्ती कुँवरको तेस्रो सन्तानको रुपमा जन्मिएकी उनको बाल्यकाल काठमाडौंमा बित्यो । उनका दुई दिदी र एक भाइ छन् । बुबा नेपाल आर्मी हुँदा एक वर्षको उमेर मै काठमाडौं आएकी थिइन् ।

बाल्यकालमा कवितालाई घर परिवारबाट क्रिकेटमा लाग्न राम्रो साथ र सहयोग रह्यो । त्यसैले उनी सानैदेखि क्रिकेटमा लाग्न पाइन् । उनले क्रिकेट खेल्न सुरु गरेको ११–१२ वर्षको उमेर देखि हो । कविता ९–१० वर्षको हुँदा राजधानीबाट धनगढी फर्केका थिए । उनी आन्टी निता खत्रीको कारण क्रिकेटमा लाग्न बढी प्रेरित भएको बताउँछिन् । २०७३ मा भएको सातौं राष्ट्रिय खेलकुदपछि कविताले सबै घरेलु क्रिकेट खेल्दै आएकी छिन् ।

कविता २०१९ मा थाईल्यान्ड वुमन्स टि२० साम्स मार्फत नेपाली महिला क्रिकेटले डब्लूटि२० आईमा डेब्यू गर्दा पहिलो अन्तर्राष्ट्रिय खेल खेलेकी थिइन् । कवितालाई डब्लूसिएलमा टोलीको खराब प्रदर्शन हालसम्मको सबै भन्दा दुःख लागेको क्षणमा पर्दछ । कविता सम्मिलित पोखरा पाँच टोली सम्मिलित प्रतियोगितामा चौथो स्थानमा रहँदै बाहिरिएको थियो ।

‘हामीले सुरु देखि हारेका थियौं । मैले अन्तिममा अर्धशतक हानेर कुनै काम भएन । त्यसैले खुसी पनि लागेन । किनकी टिम राम्रो थियो । सीता दिदी देखि सिनियर खेलाडी थियौं । ब्याक इन्जुरीले मेरो बलिङ पनि राम्रो हुन सकेको थिएन’, कविताले भनिन् ।

कविताको सपना नेपाललाई विश्वकप पुर्याउने देखि बिग ब्यास तथा महिला आइपिएल जस्ता लिग खेल्ने छ । त्यसको लागि उनले आफ्नो प्रदर्शनलाई अझैं निखारतमा ल्याउनुपर्छ । उनको गती र क्षमता देख्दा विदेशी लिगको ढोका टाढा देखिदैन । तीव्र गतिको बलर भएकाले कविताले फिटनेसमा ध्यान दिँदै चोटबाट बच्न भने आवश्यक देखिन्छ ।

June 25, 2024

महिला एसिया कप – उद्घाटन खेलमा नेपाल र युएई भिड्ने

काठमाडौं (हाम्रो खेलकुद) – श्रीलंकामा आउँदो जुलाईमा हुने एसीसी महिला एसिया कप २०२४ को उद्दघाटन खेलमा नेपाल र युएई भिड्ने भएका छन् । एसियन क्रिकेट काउन्सिल (एसीसी) ले मंगलबार सार्वजनिक गरेको संशोधित खेल तालिका अनुसार जुलाई १९ मा उद्दघाटन खेलमा नेपाल र युएई भिड्ने छन् । यसअघि सार्वजनिक भएको तालिकामा नेपालको पहिलो खेल पाकिस्तानसँग थियो […]

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

Success

Thank you for your time.