काठमाडौं (हाम्रो खेलकुद) – नेपालले आइसिसी विश्वकप लिग २ त्रिकोणात्मक ओडिआई सिरिजमा नामिबियाविरुद्ध फितलो सुरुवात गरेको छ ।

स्कटल्यान्डको क्याम्बुस्दुन न्यू ग्राउन्डमा टस जितेर पहिला ब्याटिङ थालेको नामिबियाले १० ओभरमा १ विकेट गुमाउँदै ६२ रन बनाएको छ । नामिबियाका डिभान ला कक ३१ बलमा ७ चौकासहित ४१ रनमा अविजित छन् । क्रेग विलियम्स १ रनमा अविजित छन् ।

ओपनर लो हान्ड्री लरेन्स र डिभान ला ककले पहिलो विकेटका लागि ६.३ ओभरमा ३१ रनको साझेदारी गरेका थिए । लरेन्स करण केसीको बलमा १८ रनमा कट एण्ड बोल्ड आउट भए । उनले २३ बलमा ३ चौका प्रहार गरे ।

नेपालले आजको खेलमा बसिर अहमदलाई डेब्यू दिएको छ । उनले नेपाली क्रिकेट टोलीमा डेब्यू गरेका हुन् । विनोद भण्डारी, पवन सरार्फ र किशोर महतो बेन्चमा छन् । बसिरले नेपालबाट ३३ औं ओडिआई क्याप पाएका हुन् ।

नेपालको प्लेइङ ११ :

आसिफ शेख (विकेटकिपर), कुशल भुर्तेल, देव खनाल, रोहित पौडेल (उपकप्तान), दीपेन्द्रसिंह ऐरी, आरिफ शेख, आदिल अन्सारी, सोमपाल कामी, करण केसी, सन्दीप लामिछाने (कप्तान) र बसिर अहमद ।