काठमाडौं (हाम्रो खेलकुद) – एसिसि क्रीकेट यु-१९ असिया कपको पहिलो खेलमा नेपाल आयोजक श्रीलंकासँग १ रनले पराजित भएको थियो । पराजय भोगेपनी नेपालको लागी १ विकेट लिदै ब्याटिङमा ९० रन जोडेका दिपेन्द्र ऐरे खेलको ‘म्यान अफ द म्याच’ भएका छन् । ।
२२८ रनको लक्ष्यको पछी गरेको नेपालले खराब सुरुवात गरे पनि मिडल अर्डरमा दिपेन्द्र सिंह ऐरेले शानदार पारी खेलेपछी नेपालले रोचक तरिकाले खेलमा कमब्याक गरेको थियो । अन्तिम ओभरमा १ विकेट बाकी रहदा ८ रन जितकोलागी बांकी रहँदा दीपेन्द्र स्ट्राइकमा थिए । ऐरेले दोस्रो बलमा छक्का प्रहार गर्दै जित्न २ रन बाकी हुँदा उनि आउट भएपछी नेपालले हारको सामना गरेको थियो । ९ चौका र १ छक्का प्रहार गर्दै ऐरेले ९९ बलमा ९० रन जोडेका थिए ।
