नेपालले टस हार्यो

काठमाडौं (हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा घरेलु टोली स्कटल्यान्डसँग नेपालले टस हारेर पहिला ब्याटिङ गर्ने भएको छ । टिटवुड ग्लासगोमा स्कटल्यान्डका कप्तान रिची बेरिङ्टनले टस जितेर पहिला फिल्डिङ गर्ने निर्णय लिएका हुन् ।

हल्ला वर्षाको कारण टस ३० मिनेट पछि भएको थियो । नेपालले पहिलो खेलमा स्कटल्यान्डलाई ५ विकेटले हराउँदै इतिहास रचेको थियो । आफ्नो इतिहासमा पहिलोे पटक स्कटल्यान्डलाई हराएको थियो । उक्तक्रममा सोमपाल कामी र आदिल अन्सारीले समान तीन विकेट लिएपछि स्कटल्यान्ड १ सय ४४ रनमा आउट भएको थियो । उक्त लक्ष्य पूरा गर्न आसिफ शेखले ७१ रनको योगदान दिएका थिए ।

तर नामिबियासँग दुबै खेलमा नेपाल खराब ब्याटिङको कारण ४० र ६३ रनले पराजित हुन पुगेको थियो । दोस्रो खेलमा नेपाल २ सय रनको लक्ष्य पछ्याउनेक्रममा १ सय ३६ रनमा अल आउट भएको थियो । खराब ब्याटिङ नेपालको सबैभन्दा ठूलो चिन्ताको विषय हो ।

सबै ब्याटरले जिम्मेवारी प्रदर्शन गर्नुपर्ने हुन्छ । दीपेन्द्रसिंह ऐरी, रोहित पौडेल, देव खनाल, आसिफ शेख र कुशल भुर्तेल प्रमुख ब्याटर हुँदा ठूलो इनिङ खेल्नुपर्छ । गैर जिम्मेवार ब्याटिङ ठूलो चिन्ता बनेको छ । तीव्र गतिका बलरको प्रदर्शन महत्वपूर्ण हुन्छ ।