काठमाडौं (हाम्रो खेलकुद)- श्रीलंकामा जारी यु-१९ एसिया कपको दोस्रो खेलमा नेपाल भारतसँग ६ विकेटले पराजित भएको छ । टस जितेर ब्याटिङ रोजेको नेपालले पुरा पचास ओभर खेल्दै ९ विकेट गुमाएर १७२ रन बनाएको थियो । भारतले १७३ रनको लक्ष्य ३३.३ ओभरमा ४ विकेट गुमाउदै पुरा गरेको थियो ।
लगातार दोस्रो खेलमा टस जितेको नेपालले पहिले ब्याटिङ गर्ने निर्णय लिएको नेपालले १७२ रन बनाउदा रोहित कुमार पौडेलले अर्धशतक प्रहार गरेका थिए । धेरै जसो खेलाडिले दोहोरो अंक बटुल्न नसक्दा रोहितको अर्धशतक निकै महत्वपुर्ण रह्यो ।
अन्तिम ओभररहदा ४४ रनमा रहेका रोहितले १ छक्का प्रहार गर्दै आफ्नो अर्धशतक पुरा गरेका हुन । उनले अन्तिम ओभरमा २ छक्का र ३ चौका प्रहार गरेका थिए । पहिलो खेलमा खेलेका कमल सिंह ऐरिको स्थानमा आज रोहितलाई अवसर दिइएको थियो।
रोहितले ९३ बलको सामना गर्दै ६ चौका र ३ छक्काको मद्दत्ले ६८ रनको अभिजित योगदान दिए। श्रीलंकासँग ९० रन प्रहार गरेका दीपेन्द्र सिंह ऐरीले पनि ३४ रन जोडेका थिए । अन्य ब्याट्सम्यान आसिफ शेखले १८, प्रकाश केसीले १३, शुभनकर उराओले ९, सन्दिप सुनारले ७ तथा सन्दिप लामिछानेले ७ रन को योगदान दिएका थिए ।
१७४रनको लक्ष्य लिएर ब्याटिङ गर्न आएका भारतिय ओपनर शाहलाई ईनिङको दोस्रो ओभरमै सन्दिप लामिछानेले पेभोलियन फर्काएका थिए । भारतका लागि राना र गिलले अर्धशतक प्रहार गरेका थिए । नेपालका लागि अन्य तीन विकेट पवन सराफले लिएका थिए ।
