काठमाडौं (हाम्रो खेलकुद)– श्रीलंकामा जारी एसिसी यू १९ एसिया कपको समूह चरण नेपाल बाहिरिसकेको छ । आइतबार मलेसियासँग प्रतिस्पर्धा गरेसँगै यस पटकको नेपालको यात्रा टुंगिने छ । तर, प्रतियोगितामा समूह चरण अन्तर्गतका दुई खेल सकिदा भने नेपाली युवा खेलाडी शीर्षस्थानमा रहेका छन् । ती हुन्, दीपेन्द्र ऐरी । उनले प्रतियोगिताका दुई खेलमा १ सय २४ रन बनाएका छन् ।
श्रीलंकाविरुद्धको २ सय २८ रनको लक्ष्य पछ्याउने क्रममा नेपाल १ रनले पराजित गरेको थियो । त्यो खेलमा नेपाललाई जितको नजिक पुर्याउनेमा दीपेन्द्रकै भूमिका महत्वपूर्ण थियो । उनले श्रीलंकाविरुद्ध ९० रन बनाएका थिए । त्यो खेलमा ९९ बल खेल्दै उनले ९ चौका र १ छक्का प्रहार गरेका थिए ।
त्यस्तै शुक्रबार भारतविरुद्धको दोस्रो खेलमा नेपाल ६ विकेटले पराजित भएको थियो । नेपालले त्यसमा पहिले ब्याटिङ गर्दै १ सय ७३ रन बनाएको थियो । जसमा दीपेन्द्रले ३४ रन बनाएका थिए । त्यसमा उनले ६२ ब खेल्दै ४ चौका प्रहार गरेका थिए । दीपेन्द्रले श्रीलंकाविरुद्ध १ विकेट पनि लिएका थिए । त्यो खेलमा उनी म्यान अफ दी म्याच घोषित भएका थिए ।
ब्याटिङमा भारतका पृथ्वी साह ९४ रनसहित दोस्रो र अफिगानिस्तानका ए सुरुल दारविस ९२ अंकसहित तेस्रो स्थानमा छन् । त्यस्तै दुई खेलपछि बलिङतर्फ ६ विकेटका साथ आयोजक श्रीलंकाका कामिन्डु मेन्डिस शीर्षस्थानमा छन् । भारतका राहुल चाहर र के सिंह नगरकोटी समान ५ विकेटका साथ दोस्रो र तेस्रो स्थानमा छन् ।
