2 years ago
August 12, 2022
काठमाडौं (हाम्रो खेलकुद) – पहिलो पटक सिनियर टोलीमा पर्न सफल विकेटकिपर ब्याटर अर्जुन साउदलाई अमेरिकामा बस्दै आएका माधव भण्डारीले क्रिकेट ब्याट सहयोग गरेका छन् । हाम्रो खेलकुद डटकमले बिहीबार अर्जुनको सिनियर टोली सम्मको यात्रा लेख्ने क्रममा ‘राष्ट्रिय टोलीबाट डेब्यु गर्न मागेको ब्याट पर्खंदै अर्जुन‘ भन्ने शीर्षकमा समाचार प्रकाशित गरेको थियो । उक्त समचारपछि अर्जुनलाई अमेरिकामा […]
काठमाडौं (हाम्रो खेलकुद) – पहिलो पटक सिनियर टोलीमा पर्न सफल विकेटकिपर ब्याटर अर्जुन साउदलाई अमेरिकामा बस्दै आएका माधव भण्डारीले क्रिकेट ब्याट सहयोग गरेका छन् । हाम्रो खेलकुद डटकमले बिहीबार अर्जुनको सिनियर टोली सम्मको यात्रा लेख्ने क्रममा ‘राष्ट्रिय टोलीबाट डेब्यु गर्न मागेको ब्याट पर्खंदै अर्जुन‘ भन्ने शीर्षकमा समाचार प्रकाशित गरेको थियो ।
उक्त समचारपछि अर्जुनलाई अमेरिकामा रहेका भण्डारीले ब्याट सहयोग गर्ने जनाएका थिए । शुक्रबार अर्जुनलाई हाम्रो खेलकुदका सम्पादक प्रकाश तिमल्सिनाले दुई वटा ब्याट र दुई जोर ग्लोब्स प्रदान गरेका थिए । सम्पादक तिमल्सिनाले अमेरिकामा रहेका भण्डारीको आग्रहमा प्रतिनिधित्व गर्दै अर्जुनलाई ब्याटर र गल्भ्स प्रदान गरे ।
यसअघि अर्जुनसँग यो स्तरमा खेल्ने ब्याट थिएन । त्यसैले अभाव टार्न अर्जुनले भारतीय यू–१९ क्रिकेट टोलीबाट खेलेका पराग मोहन मडकैकरसँग ब्याट मागेका थिए । त्यहिँ विषयलाई लिएर हाम्रो खेलकुदले समाचार प्रकाशित गरेको थियो । त्यसपछि अर्जुनलाई ब्याट सहयोग गर्ने प्रतिबद्धता आएका छन् ।
‘उहाँलाईलाई म धन्यावाद दिन चाहन्छु । म आफैं किन्न सक्ने आर्थिक अवस्था थिएन । उहाँलाई फेरि धन्यावद’, अर्जुनले भने, ‘राम्रो ब्याटले आत्माविश्वास फरक हुन्छ । आफ्नै ब्याट भएपछि सोच नै अर्कै आउछ । यो मेरो ब्याट हो । मैले आफूलाई मन परेको ब्याट रोजेको छु ।’
‘मैले समचार देखेपछि केहि सहयोग गरौं भन्ने लागेको हो । नेपाली टोली सम्म पुगेको खेलाडीसँग एउटा स्तरीय ब्याट छैन भन्दा नमज्जा लाग्यो । यसले आगमी दिनमा अन्य खेलाडीको लागि पनि प्रेरणा मिल्न सक्छ’, भण्डारीले हाम्रो खेलकुदसँग भने ।
भण्डारी शंखुवासभाको धर्मादेवी नगरपालिका ४ मा जन्मिएका र पछि इटहरी बसाईसरेका थिए । उनी सन् २००८ देखि भने अमेरिकाको टेक्सास रहँदै आएका छन् । अमेरिकामा उनले एभरेष्ट लिकवयर सञ्चालन गर्दै आएका छन् ।
अर्जुनले नेपालको यू–१९ टोलीबाट खेलि सकेका छन् । घरेलुु क्रिकेट भने सुदूरपश्चिमबाट खेल्ने गर्दछन् । गत डिसेम्बरमा अर्जुनले यू-१९ एसिया कपमा श्रीलंकाविरुद्ध ८० बलमा ३ चौका र २ छक्कासहित ६४ रनको इनिङ खेलेका थिए ।
काठमाडौंमा सम्पन्न यू–१९ राष्ट्रिय क्रिकेट प्रतियोगितामा अर्जुनले ५ इनिङमा २ सय ४१ रनका साथ सर्वाधिक रन बनाउने ब्याटरमा दोस्रो स्थानमा थिए । मधेश प्रदेशविरुद्ध अर्जुन साउदले पाँचौं नम्बरमा ब्याटिङ गर्दै ८५ बलमा १४ चौका र ५ छक्का सहित १ सय १६ रनको यादगार शतकीय इनिङ खेलेका थिए ।
दुई वर्षअघि पिएम कपमा नेपाली क्रिकेटका सर्वाधिक सफल पूर्व कप्तान पारस खड्का र ज्ञानेन्द्र मल्ल सम्मिलित बागमतीविरुद्ध अर्जुनले दुई वर्षअघि सुदूरपश्चिमबाट डेब्यू गर्दै २८ बलमा १ चौका र ३ छक्का सहित धेरैको ध्यान तानेका थिए ।
यो पनि पढ्नुहोस् : राष्ट्रिय टोलीबाट डेब्यु गर्न मागेको ब्याट पर्खंदै अर्जुन
April 19, 2024
एजेन्सी – लखनउ सुपर जाइन्टले इन्डियन प्रिमियर लिग (आइपिएल) मा शुक्रबार चेन्नई सुपर किंग्सलाई ८ विकेटले हराएको छ । १ सय ७७ रनको विजय लक्ष्यसहित उत्रेको लखनउले कप्तान केएल राहुल र क्विन्टन डि ककको अर्धशतकसँगै १९ ओभरमा २ विकेटको क्षेतिमा १ सय ८० रन जोडेर जित निकालेको छ । डि कक र केएल राहुले पहिलो […]
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]
