3 years ago
August 21, 2022
काठमाडौं (हाम्रो खेलकुद) – नेपाल क्रिकेट संघ (क्यान) ले नवौं राष्ट्रिय खेलकुद अन्तर्गत पुरुषतर्फको क्रिकेट टियु मैदानमा भदौ २२ देखि गर्ने प्रस्ताव गरेको छ । नवौं राष्ट्रिय प्रतियोगिता असोज २८ गतेदेखि कात्तिक ३ गतेसम्म गण्डकी प्रदेशमा हुँदैछ ।
नवौं राष्ट्रिय हुने समयमा नेपाल टि२० लिग आयोजना हुने हुँदा क्यानले राष्ट्रिय खेलकुद परिषद् (राखेप) लाई भदौ २२ देखि २९ सम्म टियु क्रिकेट मैदानमा गर्ने प्रस्ताव गरेको छ । राखेपले प्रदेशसँग अनुमति मागेको बुझिएको छ ।
क्यानका कार्यवाहक सचिव प्रशान्त विक्रम मल्लले भदौ २२ देखि २९ सम्म गर्ने तयारी गरेको बताए । ‘हामीले प्रस्ताव गरेका छौं । राखेपले प्रदेशसँग सहमति लिनुपर्छ । त्यसको लागि पत्राचार भइसकेको छ । उताबाट सहमति आउने बितिक्कै अघि बढ्छ । प्रतियोगिता टि२० संरचनामा हुनेछ’, मल्लले हाम्रो खेलकुदसँग भने ।
नेपाली क्रिकेट टोली भदौ ७ मा पाँच टि२० आई र तीन एकदिवसिय अभ्यास खेल खेल्न केन्या जानेछ । टि२० आई सिरिज भदौ ९ देखि १४ सम्म हुनेछ । एकदिवसिय अभ्यास खेल भने भदौ १७ देखि २० सम्म हुनेछ । त्यस लगत्तै खेलाडीले फर्केर राष्ट्रिय खेलकुद खेल्नेछन् ।
नेपाल टि२० लिग भने असोज ८ देखि कार्तिक ५ सम्म चल्नेछ । मल्ल नेपाल टि२० लिग भने समयमै हुने बताउँछन् । तर हालसम्म क्यानको तयारी हेर्दा भने समयमै हुन् कठिन देखिन्छ । क्यानले हालसम्म ६ मध्य चार फ्रेन्चाइज टोलीको मात्र नाम सार्वजनिक गरेको छ ।
कान्तिपुर क्यापिटल, जनकपुर रोयल्स, विराटनगर सुपरकिंग्स र लुम्बिनी अल स्टार्सको नाम सार्वजनिक गरेको थियो । पोखरा र फार वेस्टर्नको टोलीको स्वामित्वबारे भने सार्वजनिक गरेको छैन । कान्तिपुर बाहेक अन्य टोलीले लोगो पनि सार्वजनिक गरिसकेका छन् ।
नेपाल टि२० लिगको ड्राफ्ट पनि नवौं राष्ट्रिय क्रिकेटकै समयमा हुने मल्ल बताउँछन् । ‘हामी ड्राफ्टदेखि अन्य सबै प्रक्रिया भ्याइसक्छौं । नेपाल टि२० लिग शतप्रतिशत त्यहिँ समयमा हुन्छ । त्यो समयमा नभए त आइसिसीबाट समयनै छैन । त्यसैले जसरी पनि गर्नुपर्छ’, मल्लले भने ।
नेपाल टि२० लिगमा हरेक टोलीले ११ नेपाली खेलाडी किन्नुपर्नेछ । ड्राफ्ट अन्तर्गत ए ग्रेडमा ६, बी ग्रेडमा २४ र सी ग्रेडमा ३६ खेलाडी हुनेछन् । ए ग्रेडका खेलाडीले १५ लाख, बी ग्रेडका खेलाडीले १० लाख र सी ग्रेडका खेलाडीले ५ लाख रुपैयाँ प्राप्त गर्नेछन् ।
यसअघिका फ्रेन्चाइज टोलीले युवा खेलाडीलाई मौका दिन ट्यालेन्ट हन्टबाट एक खेलाडी अनिवार्य राख्ने नियम बनाएका थिए । मल्ल यो सबै बन्ने क्रममा रहेको बताउँछन् ।
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
