काठमाडौं (हाम्रो खेलकुद)– अन्तर्राष्ट्रिय क्रिकेट परिषद् (आइसिसी) ले नेपाल क्रिकेट संघ (क्यान) माथि लगाएको प्रतिबन्ध यथावत रहँदा क्यानको निर्वाचित पक्षले भने आज बार्षिक साधारणा सभा गर्दै छ । विवादबीच गत बर्ष मंसिरको अन्त्यमा चतुरबहादुर चन्दको अध्यक्षतामा कार्यसमिति चयन भएको थियो ।
साधारणा सभामा भाग लिन जिल्लाबाट राजधानी आइसकेको निर्वाचित क्यानका उपाध्यक्ष दिवाकर घलले जानकारी दिए । केन्द्रिय समिति र प्रतिनिधि गरि झन्डै ८० जनाले साधारण सभामा भाग लिने घलेले बताए । गत बर्ष निर्वाचिन भाग लिने जिल्ला प्रतिनिधिले नै साधारण सभामा भाग लिने बताइएको छ । ‘पछिल्लो एक बर्षमा नेपाली क्रिकेटमा भएका घटनाको समिक्षा हुनेछ ’ उनले भने,‘अब कसरी अगाडि बढ्ने भन्ने विषयमा पनि छलफल गर्नेछौं ।’
आइसिसीले नेपाल क्रिकेट विवादको समाधानका लागि भन्दै गत महिना क्यानका पूर्व अध्यक्ष विनयराज पाण्डे र उद्योगी बसन्त चौधरीको संयोजकत्वमा ६ सदस्यीय समिति गठन गरेको थियो । तर, निर्वाचित क्यानले त्यसलाई प्रतिनिधि समेत पठाउन अस्वीकार गर्दै आएको छ ।
क्यानको दोहोरो अस्तित्वको कारण देखाउँदै आइसिसीले गत बर्ष नेपाल माथि प्रतिबन्ध लगाएको थियो । यद्दपी, अन्तर्राष्ट्रिय क्रिकेट प्रतियोगितामा भने नेपाली सिनियर जुनियर र महिला टोलीको सहभागिता भने रहँदै आएको छ । चन्दको नेतृत्वमा रहेको क्यानको अस्तित्व अस्वीकार गर्दै राष्ट्रिय खेलकुद परिषद् (राखेप) ले गत बर्ष पुसमा रमेश सिलवालको अध्यक्षतामा अलग्गै तदर्थ समिति गठन गरेको थियो ।
त्यसपछि निर्वाचित क्यानले राखेप, सदस्य सचिव, तदर्थ समितिविरुद्ध सर्वोच्च अदालतमा मुद्दा दायर गरेको थियो । मुद्दा सर्वोच्चमा विचाराधिन छ । सरकारी हस्तक्षेप र निर्वाचित दुवैलाई अस्वीकार गर्दै आइसिसीले प्रतिबन्ध लगायता नेपालको घरेलु क्रिकेट शिथिल रहँदै आएको छ ।
