2 years ago
September 7, 2022
एजेन्सी – पाकिस्तानले टि२० एसिया २०२२ को सुपर फोरमा अफगानिस्तानमाथि एक विकेटको रोमान्चक जित हात पार्दै फाइनमा स्थान बनाएको छ । श्रीलंका पनि फाइनलमा पुग्दा भारत भने सुपर फोरबाटै बाहिरिएको छ । सुपर फोरबाट एक खेल अगावै अफगानिस्तान र भारत बाहिरिएका छन् ।
जितका लागि १ सय ३० रनको विजयी लक्ष्य पछ्याएको पाकिस्तानले १९.२ ओभरमा ९ विकेट गुमाउँदै पूरा गर्यो । अन्तिम ६ बलमा पाकिस्तानलाई ११ रन चाहिँएको थियो । तर ९ विकेट गुमेको हुँदा खेल जित कठिन मानिएको थियो । फारुकीलाई पहिलो बलमा नसिम शाहले छक्का हानेपछि खेल झनै रोचक बन्यो । अन्तिम पाँच बलमा पाँच रन चाहिँएको थियो । नसिम शाहले दोस्रो छक्का हान्दै पाकिस्तानलाई फाइनलमा पुर्याए ।
१८ औं ओभरमा फजलहक फारुकीले दुई विकेट लिँदै मात्र ४ रन खर्चेपछि खेल रोचक बनेको थियो । अन्तिम १२ बलमा पाकिस्तानलाई जितको लागि २१ रन चाहिँएको थियो ।
फरिद अहमदले पहिलो बलमा आसिफ अलीलाई एक रन दिँदा दोस्रो बलमा हरिस रौफलाई बोल्ड गरेपछि पाकिस्तान दबाबमा परेको थियो । बाँकी १० बलमा पाकिस्तानलाई २० रन चाहिँएको थियो । लगत्तै अर्को बल उनले वाइड फ्याँले । तर अफगानिस्तानले रिभ्यु लिएको थियो । तर रिभ्यु नट आउट रह्यो । नसिम शाहले एक रन दिँदै आसिफलाई स्ट्राइक दिए ।
आसिफले चौथो बलमा छक्का हान्दै खेल थप रोचक बनाए । अन्तिम ८ बलमा १२ रन चाहिँएको थियो । पाँचौं बलमा आसिफ अली क्याच आउट भएपछि पाकिस्तानको जितको सम्भावना टाढिएको थियो । आसिफ अली ८ बलमा २ छक्कासहित १६ रनमा आउट भए । नसिम शाह ४ बलमा २ छक्कासहित १४ रनमा अविजित रहे ।
पाकिस्तानको जितमा शादब खानले २६ बलमा १ चौका र ३ छक्कासहित सर्वाधिक ३६ रनको योगदान दिए । इफ्तिखार अहमदले ३३ बलमा २ चौकासहित ३० रनमा आउट भए । चौथो विकेटका लागि खान र इफ्तिखारले ४१ बलमा ४२ रनको साझेदारी गर्दै स्पिनरको ओभर निकालेका थिए ।
पहिलो ओभरको दोस्रो बलमै फजलहक फारुकीले कप्ताान बाबर आजमलाई गोल्डेन डक एलबीडब्लू आउट गरे । फखार जमान ५ रनमा आउट भए । राशिद खानले नवौं ओभरको चौथो बलमा मोहम्मद रिजवानलाई २० रनमा एलबीडब्लू आउट गर्दै पाकिस्तानमाथि दबाब बढाएका थिए । रिजवानले रिभ्यु लिएपनि सफल हुन सकेनन् । रिजवानले २६ बलमा १ चौका र १ छक्का हाने ।
पाकिस्तानले शादब खानलाई माथि ब्याटिङमा पठाएको थियो । त्यसलाई शादबले सहि प्रमाणित गरे । अफगानिस्तानका मुजिब उर रहमानले ४ ओभरमा १२ रन मात्र खर्चिएर दबाबमा राखे । राशिद खानले ४ ओभरमा २५ रन खर्चेर २ विकेट लिए । फजलहक फारुकीले ३.२ ओभरमा ३१ रन खर्चेर ३ विकेट लिए । फरिद अहमदले ४ ओभरमा ३१ रन खर्चेर ३ विकेट लिए ।
त्यसअघि शारजाहमा टस हारेर पहिला ब्याटिङ थालेको अफगानिस्तानले निर्धारित २० ओभरमा ६ विकेट गुमाउँदै १ सय २९ रन बनाएको थियो ।अफगानिस्तानका इब्राहिम जद्रानले ३७ बलमा २ चौका र १ छक्कासहित सर्वाधिक ३५ रन बनाए ।
अफगानिस्तानले सुरुवात भने राम्रो गरेको थियो । पहिलो विकेटका लागि हज्रातुल्लाह जजाई र रहमानुल्लाह गुरबाजले ३.५ ओभरमा ३६ रनको साझेदारी गर्दै राम्रो सुरुवात दिलाएका थिए । हरिस रौफले गुरबाजलाई १७ रनमा बोल्ड गर्दै पहिलो सफलता दिलाए ।
उनले ११ बलमा २ छक्का हाने । अर्को ओभरमा जजाईलाई मोहम्मद हसनैनले २१ रनमा बोल्ड गरे । जजाईले १७ बलमा ४ चौका प्रहार गरे । त्यसपछि अफगानिस्तान खेलमा फर्किन सकेन । करिम जन्नत १५, नाजिबुल्लाह जद्रान १० र मोहम्मद नाबी शून्यमा आउट भए ।
राशिद खान १५ बलमा २ चौका र १ छक्कासहित १८ रनमा अविजित रहे । पाकिस्तानका हरिस रौफले ४ ओभरमा २६ रन खर्चेर सर्वाधिक २ विकेट लिए । मोहम्मद नवाजले ४ ओभरमा २३ रन खर्चेर १ विकेट लिए । शादब खानले ४ ओभरमा २७ रन खर्चेर १ विकेट लिए । मोहम्मद हसनैनले ४ ओभरमा ३४ रन खर्चेर १ विकेट लिए । नसिम शाहले ४ ओभरमा १९ रन खर्चेर १ विकेट लिए ।
पाकिस्तान र श्रीलंका फाइनलमा पुगेका छन् । भारत र अफगानिस्तान बाहिरिएका छन् । विहीबार भारत र अफगानिस्तानबीच अन्तिम खेल हुनेछ । शुक्रबार सुपर फोरको अन्तिम खेलमा पाकिस्तानले श्रीलंकासँग खेल्नेछ । यो खेल पहिलो र दोस्रो स्थानमा रहने टोली निर्धारण गनेछ ।
फाइनल आइतबार हुनेछ । भारत सुपर फोरमा पाकिस्तानसँग ५ विकेट र श्रीलंकासँग ६ विकेटले पराजित भएपछि पहिलो चरणबाटै बाहिरिएको हो । अफगानिस्तान श्रीलंकासँग ४ विकेटले पराजित भएको थियो ।
यो पनि : पाकिस्तानको जितसँगै भारत बाहिरियो
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]