विराटनगर (हाम्रो खेलकुद) – सातौं राष्ट्रिय खेलकुदअन्तर्गत पुरुष क्रिकेटमा सशस्त्र प्रहरीको एपिएफ र मध्यमाञ्चलले विजयी सुरुआत गरेका छन् । मोरङको वैजनाथपुरमा भएको पहिलो खेलमा पारस खड्काको अलराउन्ड प्रदर्शनमा एपिएफले मध्यमपश्चिमाञ्चललाई २६ रनले पराजित गर्यो । 

पहिले ब्याटिङ गरेको एपिएफले निर्धारित २० ओभरमा ४ विकेट गुमाउँदै १ सय ४५ जोडेको थियो । एपिएफका लागि सन्दीप सुनारले अर्धशाक (५१) पुरा गरे । प्रदिप ऐरीले २९ र पारस खड्का २६ रनमा अविजित रहे । जवाफी व्याटिङमा उत्रेको मध्यपश्चिमाञ्चालले निर्धारित २० ओभर खेल्दै ६ विकेटको क्षतिमा १ सय १९ रन मात्र बनायो । मध्य पश्चिमाञ्चलका लागि प्रनित थापाले सर्वाधिक ४० रन तथा अनुपम सिंहले २१ रन बनाए । अन्य व्याट्सम्यानले दोेहोरो अंक बनाउन सकेनन् । एपिएफका पारसले ३ विकेट लिए ।
मध्यमाञ्चलले पूर्वाञ्चलमाथि ४ रनको रोमाञ्चक जित हासिल गरेको थियो । टस जितेर व्याटिङ गरेको मध्यमाञ्चलले ९ विकेट गुमाइ १ सय २० रन बनाए । मध्यमाञ्चलका लागि जितेन्द्र सिंह ठकुरीले ३१, असल चौधरीले २७ र रातिक खानले २१ रन बनाए । पूुर्वाञ्चलका लागि संदीप ढुंगानाले २, पुष्प थापाले २, फिरदोज अन्सारीले २ तथा महबुब आलम, प्रदिप पासवानले १÷१ विकेट लिए ।
जवाफमा पूर्वाञ्चलले ९ विकेटको क्षतिमा १ सय १६ रन जोड्यो । टोलीका लागि पुष्प थापाले १३, मेहबुब आलमले ८, मिनेष थापाले १७ , राज थापाले १२ र विवेक यादवले १३ रन बनाए । मध्यमाञ्चलका लागि हसिम अन्सारिले ३, रुपेश श्रीवास्तव २ तथा रसिद खान र शुशिल डंगोलले १÷१ विकेट लिए ।
शनिबार त्रिभुवन आर्मी क्लब र सुदूरपश्चिमाञ्चल तथा नेपाल प्रहरी र पश्चििमाञ्चलबीच खेल हुनेछ । पाँच विकास क्षेत्र र नेपालीसेना, नेपाल प्रहरी र सशस्त्र प्रहरीका तिन विभागिय टोलि गरि ८ टिम सहभागी छन् ।