एजेन्सी – भारतीय क्रिकेट टोलीका कप्तान रोहित शर्माले टि२० विश्वकप भन्दा तीव्र गतिका बलर जस्प्रित बुमराहको करिअर धेरै महत्वपूर्ण रहेको बताएका छन् । टि२० विश्वकप आइतबार देखिसुरु हुनुअघि रोहितले मेलबर्नमा उक्त प्रतिक्रिया दिएका हुन् ।

विश्व क्रिकेटका उत्कृष्ट बलर बुमराह ब्याक इन्जुरीको कारण विश्वकपबाट बाहिरिनु परेको थियो । ‘उनको चोटबारे हामीले धेरै विज्ञसँग छलफल गरेका थियौं । यो विश्वकप महत्वपूर्ण छ । तर उनको करिअर त्यो भन्दा अझ धेरै महत्वपूर्ण छन् । उनी मात्र २७–२८ वर्षका छन् । उनको अघि धेरै क्रिकेट बाँकी छ’, रोहितले बुमराहको चोटबारे भने ।

त्यसैमा थपे, ‘त्यसैले हामी जोखिम लिन सक्दैनौं । हामीले कुरा गरेका धेरै विज्ञहरुको विचार लगभग एकै थियो । सबैको विचार उनको अघि धेरै क्रिकेट बाँकी छ । उसले धेरै खेल्नेछ । भारतलाई जिताउन सहयोग गर्नेछन् । हामीले उनलाई मिस गर्नेमा कुनै शंका छैन ।’

भारतले बुमराहको स्थानमा मोहम्मद शामीलाई मौका दिएको छ । शामी गतवर्ष टि२० विश्वकपमा नामिबियासँगको खेलपछि टि२० आई खेल खेलेका छैनन् । चोट र कोरोनाको कारण पछिल्लो तीन महिना त क्रिकेट नै खेलेका छैनन् । उनले पछिल्लो पटक जुलाईमा इंग्ल्यान्डमा खेलेका थिए ।

दक्षिण अफ्रिका र अष्ट्रेलियासँगको सिरिज कोरोनाको कारण गुमाएका थिए । ‘शामीलाई कोरोना ठिक भएको छ । फिटनेश पास गरेपछि विश्वकप टोलीमा परेका हुन् । रोहित सबै कुरा राम्रो देखिने बताए । शामी कोरोनाको कारण तीन हप्ता ग्रसित थिए । त्यसपछि उनलाई राष्ट्रिय क्रिकेट एकेडेमीमा बोलाईएको थियो । त्यहाँ उनले १० दिन कडा मिहिनेत गरे । कोरोनापछि उनको सुधार धेरै राम्रो छ । समग्रमा सबै कुरा राम्रो छ । जसरी शामीको चिन्ता छ’, रोहितले भने ।

भारतले विश्वकपमा वार्मअप अघि वेस्टर्न अष्ट्रेलिया ११ सँग दुई अभ्यास खेल खेलेको थियो । जसमा एक खेलमा जित र एक खेलमा हार थियो । भारतले अव १७ र १९ अक्टोबरमा अष्ट्रेलिया र न्युजिल्यान्डसँग वार्मअप खेल खेल्नेछ । त्यसपछि २३ अक्टोबरमा पाकिस्तानसँग खेल्दै विश्वकपमा सुरुवात गर्नेछ । भारत २००७ पछि पहिलो पटक विश्वकप खेल्नेछ ।

यो पनि : भारतले टि२० विश्वकप २०२२ जित्न नसक्ने पाँच कारण

टि२० विश्वकप जित्न सक्ने सर्वाधिक बलिया पाँच टोली