default_image

1 year ago

October 16, 2022

विश्वकपमा सानदार सुरुवात गर्ने सोचमा श्रींलका

एजेन्सी – टि२० विश्वकप २०२२ को उद्धघाटन खेलमा श्रीलंका र नामिबियाबीच प्रतिस्पर्धा हुँदैछ । खेल नेपाली समय अनुसार बिहान ९ : ४५ मा साईमन्ड्स स्टेडियम जिलङमा सुरुहुनेछ । अघिल्लो महिना भारत र पाकिस्तानलाई हराउँदै एसिया कप जितेको श्रीलंका टि२० विश्वकपमा सानदार प्रदर्शन गर्ने सोचमा हुनेछ । श्रीलंकाको कप्तान दासुन शनका र नामिबियाको जेहरार्ड इरास्मसले गर्नेछन् […]

56 views

0 Bookmark

एजेन्सी – टि२० विश्वकप २०२२ को उद्धघाटन खेलमा श्रीलंका र नामिबियाबीच प्रतिस्पर्धा हुँदैछ । खेल नेपाली समय अनुसार बिहान ९ : ४५ मा साईमन्ड्स स्टेडियम जिलङमा सुरुहुनेछ ।

अघिल्लो महिना भारत र पाकिस्तानलाई हराउँदै एसिया कप जितेको श्रीलंका टि२० विश्वकपमा सानदार प्रदर्शन गर्ने सोचमा हुनेछ । श्रीलंकाको कप्तान दासुन शनका र नामिबियाको जेहरार्ड इरास्मसले गर्नेछन् ।

श्रीलंकाले पाकिस्तानलाई फाइनलमा हराउँदै एसिया कपको उपाधि जितेको थियो । श्रीलंकाको मनोबल उच्च छ । श्रीलंकामा कुशल मेन्डिस, वानिन्दु हसरंगा, दुश्मन्था चामिरा, शनका र भानुका राजपक्षे जस्ता स्टार खेलाडी छन् ।

श्रीलंकाको ओपनिङ पाथुम निसंका र कुशल मेन्डिसले गर्नेछन् । यी दुबै ब्याटर राम्रो लयमा छन् । कुशल ठूलो र आक्रामक इनिङ खेल्न सक्छन् । निसंका जिम्मेवारीसाथ टोलीलाई अघि बढाउने गर्दछन् । मध्यक्रममा चरिथ असंलका र धनुष्का गुणाथिलका हुनेछन् ।

त्यसपछि दाशुन शनका, वानिन्दु हसरंगा, चामिका करुणारत्ने र चामिरा हुनेछन् । कप्तान शनका फिनिसर हुन् । उनी उच्च लयमा छन् । श्रीलंका उनीबाट एसियाकपमा जस्तै फिनिसिङ चाहन्छ । बायाँ हाते ब्याटर भानुकाको प्रदर्शन अझ महत्वपूर्ण हुनेछ ।

स्पिनर वानिन्दु हसरंगा प्रमुख बलर हुन् । उनको सामना गर्न नामिबियाका ब्याटरलाई सहज भने हुने छैन । वानिन्दु र महेश थिक्सना स्पिनर जोडीले लगातार उच्च प्रदर्शन गर्दै आएका छन् । चामिरा, प्रमोद मदुशान र दीलशान मधुशनका तीव्र गतिका बलर हुन् ।

यता नामिबिया श्रीलंकालाई स्तब्ध पार्न चाहन्छ । त्यसको लागि अविस्वसनिय प्रदर्शन गर्नुपर्छ । अलराउन्डर डेविड विजाको प्रदर्शन महत्वपूर्ण हुनेछ । गतवर्ष नामिबियालाई सुपर १२ मा पुर्याउन विजाले सानदार प्रदर्शन गरेका थिए । दक्षिण अफ्रिकाका पूर्व अलराउन्डर विजाले लगातार विश्वका चर्चित टि२० फ्रेन्चाइज लिग खेल्ने गर्दछन् ।

अलराउन्डर जेजे स्मितको प्रदर्शन पनि महत्वपूर्ण हुनेछ । उनी बलिङ र ब्याटिङ दुबैमा घातक बन्न सक्छन् । नामिबियाका गेरार्हाड, डिभान ला कुक, जान निकोल, स्टेफन ब्राड ब्याटर हुन् । गतवर्ष विश्वकपमा तीव्र गतिका बलर रुवेन ट्रम्पलम्यान र ज्यान फ्रिलिंकले सानदार प्रदर्शन गरेका थिए । स्पिनर बेर्नार्ड स्कोल्ट्जले लगातार उच्च प्रदर्शन गर्दै आएका छन् । नामिबियाको मुख्य हतियार बलिङ हो ।

नामिबिया र श्रीलंकाबीच हालसम्म एक मात्र टि२० आई खेल भएको छ । गतवर्ष विश्वकपमा नामिबिया श्रीलंकासँग ७ विकेटले पराजित भएको थियो । उक्त खेलमा महेश थिक्सनाले ३ विकेट लिँदै प्लेयर अफ द म्याच चुनिएका थिए ।

खेल अघि कप्तानको भनाई :

‘एसिया कपपछि धेरै राम्रो छ । टोलीमा धेरै आत्माविश्वास छ । साँच्चै वातावरण राम्रो छ । हाम्रो ध्यान ब्याटिङमा रहेको छ । परिस्थीति फरक हुनसक्छ । हामी त्यसैमा केन्द्रित छौं’, दासुन शनका, श्रीलंका कप्तान ।

‘हाम्रो तयारी राम्रो छ । हामीले राम्रो गर्न उच्च स्तरको प्रदर्शन गर्नुपर्ने हुन्छ’, जेहरार्ड इरास्मस, नामिबिया कप्तान ।

यो पनि :  टि२० विश्वकप आजदेखि, कसले जित्ला उपाधि ?

 टि२० विश्वकप जित्न सक्ने सर्वाधिक बलिया पाँच टोली

टि२० विश्वकपमा सर्वाधिक विकेट लिनसक्ने पाँच खेलाडी

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

Success

Thank you for your time.