काठमाडौं (हाम्रो खेलकुद) – गण्डकी प्रदेशले प्रधानमन्त्री कप एकदिवयीय राष्ट्रिय प्रतियोगिता खेल्ने १४ सदस्य टोली घोषणा गरेको छ । गण्डकीले अलराउन्डर विपिन खत्रीको कप्तानीमा प्रधानमन्त्री कप खेल्ने टोली घोषणा गरेको हो ।

घोषणा टोलीमा युवा खेलाडी अर्जुन कुमाल देखि अनुभवी ब्याटर विधान श्रेष्ठ सम्मका खेलाडी छन् । प्रधानमन्त्री कप कार्तिक १३ देखि २६ गते सम्म काठमाडौंमा हुनेछ ।

गण्डकी रहेको समूह ए मा त्रिभुवन आर्मी क्लब, नेपाल एपिएफ क्लब, गण्डकी, कर्णाली र सुदूरपश्चिम प्रदेश छन् । समूह बी मा नेपाल पुलिस क्लब, बागमती प्रदेश, लुम्बिनी प्रदेश, प्रदेश १ र मधेश प्रदेश छन् ।

गण्डकीले पहिलो खेल कार्तिक १४ मा टियु मैदानमा सुदूरपश्चिमसँग खेल्दै सुरुवात गर्नेछ । गण्डकीले कर्णालीसँग कार्तिक १६ मा टियुमा खेल्नेछ । त्यसपछि मुलपानीमा कार्तिक १८ मा पुलिस र कार्तिक २० मा आर्मीसँग खेल्नेछ ।

गण्डकीको टोली :

विपिन खत्री (कप्तान), चन्द्रकान्त पौडेल, समीर कंडेल, विधान श्रेष्ठ, सचिनराज अधिकारी, अर्जुन कुमाल, सन्दीप खत्री, अमृत गुरुङ, करन पंगेनी, सन्देश बस्नेत, अभिषेक बस्नेत, सुवास भण्डारी, कृष्ण पौडेल र कमल परियार ।

वैकल्पिक खेलाडी – दीनेश बुढा मगर, प्रदीप अर्याल, सौजन्य रेग्मी र सन्दीप पराजुली ।

टिम प्रशिक्षक – रिजन प्रजु

टिम प्रशिक्षक – चन्द्र कुमार गुरुङ (जिम्मी)

यो पनि : विवेक र दुर्गेशलाई समेट्दै ज्ञानेन्द्रको कप्तानीमा बागमतीको टोली घोषणा

खडकलाई बाहिर राख्दै राजुको कप्तानीमा सुदूरको टोली घोषणा