काठमाडौं (हाम्रो खेलकुद) – त्रिभुवन आर्मी क्लबका तीव्र गतिका बलर सोमपाल कामी प्रधानमन्त्री कप एकदिवसीय राष्ट्रिय खेलकुद प्रतियोगितामा नेपाल एपिएफ क्लबविरुद्ध बेन्चमा रहेका छन् ।

टियु क्रिकेट मैदानमा भएको टसमा त्रिभुवन आर्मी क्लबका कप्तान विनोद भण्डारीले टस जितेर पहिला फिल्डिङ गर्ने निर्णय लिएका छन् । विनोदले बुझाएको प्लेइङ ११ मा सोमपाल कामी, सोनु तामाङ र आकाश चन्द बेन्चमा छन् । सोमपाल आज मैदान पनि आएका छैनन् । सोमपाल डेंग्री संक्रमणको कारण स्वास्थ्य सुधारको क्रममा हुँदा टोलीमा नरहेको आर्मीले जनाएको छ ।

यता शरद भेषवाकरले बुझाएको लिष्टमा दीपक बोहरा, आयुषमान बम र पुरन बिक बेन्चमा रहेका छन् । उता मुलपानीमा बागमती प्रदेशले पुलिसविरुद्ध टस जितेर पहिला फिल्डिङ रोजेको छ ।

आर्मीको प्लेइङ ११ :

विनोद भण्डारी (कप्तान तथा विकेटकिपर), अर्जुन साउद, हरि चौहान, भीम सार्की, रोहित पौडेल, राजेश पुलामी, कुशल मल्ल, विक्रम सोब, सुशन भारी, साहब आलम र जितेन्द्र मुखिया ।

एपिएफको प्लेइङ ११ :

शरद भेषवाकर (कप्तान), प्रदीप ऐरी, आसिफ शेख, सन्दीप जोरा, सुमित महर्जन, भुवन कार्की, अमरसिंह राउटेला, कमलसिंह ऐरी, किशोर महतो, लोकेश बम र मौसम ढकाल ।