default_image

1 year ago

October 31, 2022

चौका र छक्काको वर्षा गराउदै ब्रेभिसको विष्फोटक शतक

एजेन्सी – दक्षिण अफ्रिकाका युवा ब्याटर डेवाल्ड ब्रेभिस (बेबी एवी डिभिलियर्स) ले सिएसए टि२० च्यालेन्जमा चौका र छक्काको वर्षा बनाउँदै १ सय ६२ रनको विष्फोटक इनिङ खेलेका छन् । दक्षिण अफ्रिकाको प्रमुख टि२० प्रतियोगितामा ब्रेभिसले टाइटन्सबाट खेल्दै नाइट्सविरुद्ध ५७ बलमा १३ चौका र १३ छक्कासहित १ सय ६२ रनको शतकीय इनिङ खेलेका छन् । जुन […]

146 views

0 Bookmark

एजेन्सी – दक्षिण अफ्रिकाका युवा ब्याटर डेवाल्ड ब्रेभिस (बेबी एवी डिभिलियर्स) ले सिएसए टि२० च्यालेन्जमा चौका र छक्काको वर्षा बनाउँदै १ सय ६२ रनको विष्फोटक इनिङ खेलेका छन् ।

दक्षिण अफ्रिकाको प्रमुख टि२० प्रतियोगितामा ब्रेभिसले टाइटन्सबाट खेल्दै नाइट्सविरुद्ध ५७ बलमा १३ चौका र १३ छक्कासहित १ सय ६२ रनको शतकीय इनिङ खेलेका छन् ।

जुन दक्षिण अफ्रिका कुनैपनि ब्याटरले टि२० खेलमा खेलेको उच्च प्रदर्शन हो । उनले ३५ बलमै शतक हानेका थिए । १ सय ५० रन उनले ५२ बलमा पूरा गरेका थिए । त्यो कुनैपनि ब्याटरले टि२०मा पुरा गरेको सर्वाधिक छिटो १ सय ५० रन थियो ।

उनको विष्फोटक शतकमा टाइटन्सले ३ विकेट गुमाउँदै २ सय ७१ रन बनायो । जीवेशन पिल्ले ४५ बलमा ४ चौका र १ छक्कासहित ५२ रनमा आउट भए । पहिलो विकेटका लागि ब्रेभिस र पिल्लेले १४.३ ओभरमा १ सय ७९ रनको साझेदारी गरेका थिए ।

ब्रेभिसको यो टि२० इतिहासकै तेस्रो ठूलो इनिङ हो । २०१३ मा वेस्टइन्जिका क्रिस गेलले आइपिएलमा रोयल च्यालेन्जर्स बेंगलोरबाट पुणे वारियर्सविरुद्ध १ सय ७५ रनको इनिङ खेलेका थिए । जुन टि२० क्रिकेट इतिहासकै एकै इनिङमा सर्वाधिक ठूलो इनिङ हो ।

त्यस्तै आरोन फिन्चले अष्ट्रेलियाबाट जिम्बावेविरुद्ध २०१८ मा १ सय ७२ रनको इनिङ खेलेका थिए । जुन अन्तर्राष्ट्रिय टि२० आईको ठूलो इनिङ हो । अफगानिस्तानका हज्रातुल्लाह जजाई, जिम्बावेका हामिल्टन मसाकाड्जा र ब्रेभिसले समान १६२ रनको इनिङ खेलेका हुन् ।

ब्रेभिस दक्षिण अफ्रिका भविष्य मानिएका छन् । टि२० विश्वकप पछि दक्षिण अफ्रिकाले उनलाई टोलीमा बोलाउने उच्च सम्भावना छ । उनले इन्डियन प्रिमियर आइपिएल, यू१९ विश्वकप देखि विदेशी फ्रेन्चाइज लिगमा लगातार सानदार प्रदर्शन गर्दै आएका छन् । १९ वर्षीय खेल्ने शैली दक्षिण अफ्रिका पूर्व क्रिकेटर एवी डिभिलियर्ससँग हाउभाउ मिल्ने गर्दछ ।

ब्रेभिसको सम्पूर्ण क्रिकेट जीवनी पढ्नुहोस् : डेवाल्ड ब्रेभिस : बेबी एवि उर्फ दोस्रो डि भिलियर्स

April 19, 2024

नाटकीय खेलमा मुम्बईको जित

एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

Success

Thank you for your time.