default_image

2 years ago

November 4, 2022

फिन्च अफगानिस्तानविरुद्ध नखेल्ने

224 views

0 Bookmark

एजेन्सी – आइसीसी टि२० विश्वकप अन्तर्गत अफगानिस्तानविरुद्ध हुन लागेको सुपर १२ को अन्तिम खेलमा अष्ट्रेलियाले कप्तान आरोन फिन्चलाई विश्राम दिएको छ ।

पछिल्लो खेलमा सामान्य चोट बोकेपछि अष्ट्रेलियाले आजको खेलमा फिन्चलाई विश्राम दिने निर्णय लिएको हो । अष्ट्रेलियाको कप्तानी म्याथ्यु वेडले गर्दा टोलीले कुल ३ परिवर्तन गरेको छ । कप्तान फिन्चसँगै टिम डेविड पनि चोटका कारण बाहिर रहेका छन् । त्यस्तै तीव्र गतिका बलर मिचेल स्टार्क पनि टोलीमा छैनन् ।

अष्ट्रेलियाले फिन्चको स्थानमा क्यामरन ग्रीनलाई टोलीमा समेटेको छ । त्यस्तै डेविडको स्थानमा स्टिभ स्मिथ र स्टार्कको स्थानमा केन रिचर्डसन खेल्दैछन् । यस्तै अफगानिस्तानले पनि ओमारजाई र फरिदको स्थानमा दार्विस रसुली र नविन उल हक टोलीमा समेटेको छ ।

अफगानिस्तानले टस जितेर फिल्डीङ रोजेको छ । आजको खेलमा जित हासिल गरेमात्र अष्ट्रेलियाको सेमिफाइनलमा पुग्ने सम्भावना बलियो बन्नेछ । आज अष्ट्रेलिया जितेर भोली श्रीलंकाले इंग्ल्यान्डलाई पराजित गरे घरेलु टोली अघि बढ्नेछ । आज फराकिलो अन्तरको जितले पनि अष्ट्रेलिया रनरेट सुधार गर्न चाहन्छ । हाल अष्ट्रेलिया र इंग्ल्यान्डको १-१ खेल बाँकी रहँदा समान ५-५ अंक छ ।

अष्ट्रेलियाको टोली : डेविड वार्नर, क्यामरन ग्रीन, मिचेल मार्स, स्टिभ स्मिथ, ग्लेन म्याक्सवेल, मार्कस स्टोइनिस, म्याथ्यु वेड, प्याट कमिन्स, एडम जाम्पा, केन रिचर्डसन, जोश हेजलवुड

अफगानिस्तानको टोली : रहमनुल्लाह गुर्बाज, उस्मान घानी, इब्राहिम जदरान, गुल्बदीन नाइब, दार्विस रसुली, नाजिबुल्लाह जदरान, मोहमद नाबी, राशिद खान, मुजिब उर रहमान, नविन उल हक, फजल फारुकी

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.