2 years ago
November 6, 2022
एजेन्सी – आइसिसी टि२० विश्वकप अन्तर्गत सुपर १२ चरणमा पाकिस्तान र बंगलादेश भिड्दैछन् । समूह चरणको अन्तिम खेल यी दुईका लागि क्वाटरफाइनल सरह बनेको छ । दक्षिण अफ्रिका नेदरल्यान्ड्ससँग पराजित भएपछि समूहको सेमिफाइनल समीकरणमा अप्रत्याशित परिवर्तन आएको हो ।
पाकिस्तान र बंगलादेशको खेल केहीबेरमा सुरु हुँदैछ । बंगलादेशले टस जितेर पहिलो ब्याटिङ गर्ने निर्णय लिएको छ । यस खेलमा विजेता हुने टोली सेमिफाइनलमा प्रवेश गर्नेछ । समूह विजेताको छिनोफानो भने आज हुने भारत र जिम्बावेबीचको खेलपछि तय हुनेछ । दक्षिण अफ्रिका समूह चरणबाट बाहिरिएपछि पाकिस्तान र बंगलादेशको भाग्य खुलेको थियो ।
समूहको आफ्नो अन्तिम खेलमा दक्षिण अफ्रिकालाई सेमिफाइनलमा प्रवेश गर्न जित आवश्यक थियो । तर नेदरल्यान्ड्सविरुद्ध खराब प्रदर्शन गर्दै हार बेहोरेपछि टोली समूह चरणबाट नै बाहिरिने पक्का भएको हो । नेदरल्यान्ड्सले दक्षिण अफ्रिकालाई १३ रनले पराजित गर्दै विश्वकपको दोस्रो जित निकाल्यो । यसअघि जिम्बावेलाई हराएको नेदरल्यान्ड्सको ४ अंक पुगेको छ ।
नेदरल्यान्ड्सको जितले भारत भने एक खेल अगावै सेमिफाइनल पुगेको छ । भारतले ४ खेलमा ३ जित र १ हारसहित ६ अंक जोडेको छ । दक्षिण अफ्रिकाको ५ खेलमा २ जित, २ हार र १ अनिर्णितसँगै ५ अंक छ । अब पाकिस्तान र बंगलादेशमध्य एक टोलीले सेमिफाइनलमा स्थान बनाउने छन् । दुवै टोलीको ४ अंक छ । आज नै पाकिस्तान र बंगलादेशबीच खेल सुरु हुँदैछ । उक्त खेल जित्ने टोलीले सेमिफाइनलमा स्थान बनाउनेछ ।
आज हुने अन्तिम खेलमा भारत र जिम्बावे पनि भिड्नेछन् । उक्त खेलमा भारत जित हासिल गर्दै समूह विजेताको स्थान पक्का गर्न चाहन्छ । जिम्बावे ३ अंक जोड्दै पुछारमा छ ।
यता समूह १ बाट न्युजिल्यान्ड र इंग्ल्यान्डले सेमिफाइनलमा स्थान पक्का गरिसकेका छन् । न्युजिल्यान्ड, इंग्ल्यान्ड र अष्ट्रेलियाको समान ७-७ अंक भएपनि नेट रनरेटका आधारमा शीर्ष दुई टोली अघि बढेका थिए । श्रीलंकाले ४ अंक जोड्दा आयरल्याण्डले ३ र अफगानिस्तानले २ अंक जोडे ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]