काठमाडौं (हाम्रो खेलकुद) – त्रिभुवन आर्मी क्लबका तीव्र गतिका बलर सोमपाल कामी प्रधानमन्त्री कप एकदिवसीय प्रधानमन्त्री कप राष्ट्रिय प्रतियोगिता फाइनलमा नेपाल एपिएफ क्लबविरुद्ध डक आउट भएका छन् ।

टियु क्रिकेट मैदानमा टस हारेर पहिला ब्याटिङ थालेको आर्मीले ४ ओभरमा १ विकेट गुमाउँदै १० रन बनाएको छ । आर्मीका ओपनर सोमपाल कामी डक आउट भएका छन् ।

चोभार एण्डबाट आएका तीव्र गतिका बलर किशोर महतोको दोस्रो ओभरको पाँचौं बलमा सोमपाल कभरमा सुमित महर्जनबाट क्याच आउट भए । क्रिजमा अर्जुन साउद ९ र हरि चौहान १ रनमा छन् ।

टियु क्रिकेट मैदानमा एपिएफका कप्तान शर भेषावकरले टस जितेर पहिला फिल्डिङ गर्ने निर्णय लिएका छन् । लामो समयको विवादपछि तीव्र गतिका बलर सोमपाल कामीले फाइनल खेल्न पाउने भएका छन् ।आर्मीले आजको खेलमा आर्मीले एक परिवर्तन गरेको छ । स्पिनर साहब आलमको औंलामा चोटका कारण सोमपाल कामी आएका छन् ।

आर्मीले आजको खेलमा सोनु तामाङ, आकाश चन्द र साहब आलम बेन्चमा छन् । एपिएफले आजको खेलमा आयुषमान बम, दीपक बोहरा र पुरन विकलाई बेन्चमा राखेका छन् ।

खेल ४०(४० ओभरको हुनेछ । सोमपाल कामीको विवादको कारण खेल दुई घण्टा ढिलो भएर सुरु भएको हो । आर्मी र एपिएफबीचको खेल बिहान ९ बजे टियु क्रिकेट मैदानमा सुरु हुनुपर्ने थियो। नियम अनुसार टस विहान ८ः३० मा हुनुपर्ने थियो ।

तर आर्मीले प्लेइङ ११ मा सोमपालको नाम समावेश गरेपछि एपिएफका कप्तान शरद भेषावकरले टस गर्न मानेका थिएनन् । म्याच रेफ्री बुद्धि बहादुर प्रधानसमक्ष उनले आर्मीले सोमपाललाई प्लेइङ ११ मा समावेश गर्न नपाउने तर्क राखेका थिए ।

सोमपाल विवादबारे सम्पूर्ण जानकारी : सोमपाल विवादले फाइनल सुरु हुन सकेन