एजेन्सी – न्युजिल्यान्डका सर्वाधिक सफल कप्तान केन विलियम्सनलाई इन्डियन प्रिमियर लिग (आइपिएल) २०२३ को मिनी अक्सनमा १९ करोड घाटा लागेको छ ।

विलियम्सनलाई गतवर्ष सनराइजर्स हैदराबादले १४ करोड भारुमा टोलीमै रिटेन गरेको थियो । विलियम्सनलाई टोलीमा राख्न हैदराबादले अफगानिस्तानका राशिद खानलाई फुकुवा गरेको थियो ।

तर यस सिजनमा भने अक्सनमा गुजरात टाइटन्सले केन विलियम्सनलाई न्यूनतम मूल्य २ करोड भारुमा किनेको छ । गुजरात बाहेक अन्य कुनैपनि टोलीले उनलाई किन्न रुचि देखाएनन् । विलियम्सनलाई अघिल्लो वर्ष तुलनामामा १२ करोड भारु अर्थात १९ करोड २० लाख नेपाली रुपैयाँ घाटा लागेको हो । हैदराबादले उनलाई रिलिज नगरेको भए उक्त पैसा पाउथे । हैदराबादले टोलीबाट फुकुवा गर्दा विलियम्सनलाई १९ करोड नेपाली रुपैयाँ घाटा लागेको हो ।

विलियम्सन यसअघि २०१५ देखि २०१७ सम्म ६० लाख भारुमा हैदराबादमा थिए । हैदराबादले २०१८ देखि २०२१ सम्म विलियम्सनलाई ३ करोड भारुमा राखेको थियो । गतवर्ष केन विलियम्सनले हैदराबादबाट कप्तानी गर्दै १३ खेलमा १ अर्धशतकसहित २ सय १६ रन बनाएका थिए ।

२०१८ को आइपिएलमा हैदराबादलाई फाइनलमा पुर्याउन केन विलियम्सनले सानदार प्रदर्शन गर्दै ७ सय ३५ रन बनाउँदै ओरेन्ज क्याप जितेका थिए । विलियम्सनले ७६ आइपिएल खेलमा १८ अर्धशतकसहित २ हजार १ सय १ रन बनाएका छन् ।

यस अक्सनमा इंग्ल्यान्डका साम करनलाई आइपिएल इतिहासकै सर्वाधिक महँगो मूल्य १८ करोड ५० लाख भारुमा पन्जाब किंग्सले किनेको छ । त्यस्तै मुम्बई इन्डियन्सले अष्ट्रेलियाका क्यामरन ग्रीनलाई १७ करोड ५० लाख भारुमा किनेको छ । इंग्ल्यान्डका बेन स्टोक्स १६ करोड २५ लाखमा चेन्नई सुपर किंग्स पुगेका छन् ।

यो पनि पढ्नुहोस् : आइपिएल २०२३ का सर्वाधिक महँगा पाँच खेलाडी

करन आइपिएल इतिहासकै महँगा खेलाडी बने

ग्रीनमाथि मुम्बईको अप्रत्याशित मूल्य