1 year ago
December 24, 2022
एजेन्सी – टि२० विश्वकप विजेता इंग्ल्यान्डका तीन खेलाडी बेन स्टोक्स, साम करन र ह्यारी ब्रुकले इन्डियन प्रिमियर लिग (आइपिएल) २०२३ को मिनी अक्सनमा कुल ७७ करोड नेपाली रुपैयाँमा बिकेका छन् । टि२० विश्वकपमा सानदार प्रदर्शनपछि अक्सनमा यी तीन खेलाडीमाथि धनको वर्षा भएको हो । साम करनलाई पन्जाब किंग्सले इतिहासकै सर्वाधिक १८ करोड ५० लाख भारु […]
एजेन्सी – टि२० विश्वकप विजेता इंग्ल्यान्डका तीन खेलाडी बेन स्टोक्स, साम करन र ह्यारी ब्रुकले इन्डियन प्रिमियर लिग (आइपिएल) २०२३ को मिनी अक्सनमा कुल ७७ करोड नेपाली रुपैयाँमा बिकेका छन् ।
टि२० विश्वकपमा सानदार प्रदर्शनपछि अक्सनमा यी तीन खेलाडीमाथि धनको वर्षा भएको हो । साम करनलाई पन्जाब किंग्सले इतिहासकै सर्वाधिक १८ करोड ५० लाख भारु अनुबन्ध गरेको थियो । यो आइपिएल इतिहासमा कुनैपनि खेलाडीले पाएको सर्वाधिक मूल्य थियो ।
उनीपछि यसै अक्सनमा अष्ट्रेलिया अलराउन्डर क्यामरन ग्रीनलाई मुम्बई इन्डियन्सले १७ करोड ५० लाख भारुमा अनुबन्ध गरेको छ । यी दुई खेलाडी आइपिएल इतिहासकै सर्वाधिक महँगो मूल्य पाउने खेलाडी हुन् ।
यसअघि अक्सनमा दक्षिण अफ्रिका क्रिस मोरिसले २०२१ मा राजस्थान रोयल्सबाट १६ करोड २५ लाख भारु पाएका थिए । त्यो नै अक्सनमा एक खेलाडीले पाएको सर्वाधिक रकम थियो । रिटनमा भने विराट कोहलीले रोयल च्यालेन्जर्स बेंगलोरबाट २०१८ देखि २०२१ सम्म तथा लखउनले लोकेश राहुललाई २०२२ देखि १७ करोड भारुमा अनुबन्ध गरेको थियो ।
इंग्ल्यान्डका अलराउन्डर बेन स्टोक्सलाई चेन्नई सुपर किंग्सले १६ करोड २५ लाख भारुमा अनुबन्ध गर्यो । सनराइजर्स हैदराबादले मध्यक्रमका ब्याटर ह्यारी ब्रुकलाई १३ करोड २५ लाख भारुमा अनुबन्ध गर्यो ।
साम करनको १८ करोड ५० लाख, बेन स्टोक्सको १६ करोड २५ लाख र ह्यारी ब्रुकको १३ करोड कुल रकम जोड्दा ४८ करोड भारु हुन्छ । ४८ करोड भारु नेपाली रुपैयाँ ७७ करोड हुन आउँछ ।
इंग्ल्यान्डलाई विश्वकप जिताउन साम करनले मात्रै ६ खेलमा १३ विकेट लिएका थिए । फाइनलमा पाकिस्तानविरुद्ध साम करनले ४ ओभरमा १२ रन खर्चेर ३ विकेट लिएका थिए । साम करन टि२० विश्वकपका प्लेयर अफ द फाइनल र सर्वोत्कृष्ट दुबै चुनिएका थिए । साम करनले ओपनिङ देखि फिनिसर सम्म राम्रो ब्याटिङ गर्ने गर्दछन् ।
बायाँ हाते अलराउन्डर साम करनलाई किन्न अक्सनमा मुम्बई इन्डियन्स, रोयल च्यालेन्जर्स बेंगलोरबाट प्रतिस्पर्धा सुरु भएको थियो । त्यसपछि राजस्थान र चेन्नई सुपर किंग्सबीच कडा प्रतिस्पर्धा हुँदा इतिहासकै सर्वाधिक मूल्य पाएका हुन् ।
त्यस्तै बेन स्टोक्स विश्व क्रिकेटकै उत्कृष्ट अलराउन्डर हुन् । बायाँ हाते बेन स्टोक्सकै उत्कृष्ट प्रदर्शनमा इंग्ल्यान्डले २०१९ को एकदिवसीय विश्वकप र २०२२ को टि२० विश्वकप उपाधि जितेको थियो ।
चेन्नईले महेन्द्रसिंह धोनीपछि बेन स्टोक्सलाई नै कप्तान बनाउने देखिन्छ । स्टोक्सको कप्तानीमा इंग्ल्यान्डको टेस्ट टोलीले सानदार प्रदर्शन गर्दै आएको छ । टोलीलाई जे चाहिँयो त्यहिँ गुण भएपछि स्टोक्सले महँगो मूल्य पाएका हुन् ।
ह्यारी ब्रुक मध्यक्रमका भरपर्दा ब्याटर हुन् । २३ वर्षीय ब्रुकलाई किन्न राजस्थान, बेंगलोर र हैदराबादबीच कडा प्रतिस्पर्धा भएको थियो । टि२० विश्वकप विजेता ब्रुकले अन्तर्राष्ट्रिय क्रिकेटमा सानदार प्रदर्शन गर्दै आएका छन् । यसै साता पाकिस्तानसँगको तीन टेस्ट खेलको सिरिजमा तीन शतकसहित प्लेयर अफ द सिरिज चुनिएका थिए ।
ब्रुकलाई इंग्ल्यान्डका केभिन पिटरसन र भारतका विराट कोहलीसँग तुलना गरिन्छ । अग्ला कदका ब्रुक मध्यक्रममा विष्फोटक र भरपर्दो ब्याटिङ गर्ने हुँदा हैदराबादले महँगो मूल्यमा टोलीमा किनेको हो ।
May 5, 2024
काठमाडौं (हाम्रो खेलकुद)– सैनिक आवासिय महाविद्यालयले जयकुमार नाथ स्मृति यु १६ अन्तर स्कुल क्रिकेटमा आइतबार जित हासिल गरेको छ । सैनिक आवासियले संस्कृती इन्टरनेसनल स्कुललाई ९० रनले हराएको छ । १ सय ९९ रनको लक्ष्य पछ्याएको संस्कृतीले २० ओभरमा ८ विकेटमा १ सय ८ रन मात्र बनाउन सक्यो । श्रीयांश अग्रवालले ३२ बलमा सर्वाधिक ४० […]
May 5, 2024
एजेन्सी – इंडियन प्रिमियर लिग अन्तर्गत आईतबार भएको पहिलो खेलमा चेन्नाई सुपर किंग्सले पञ्जाब किंग्स माथि जित दर्ता गरेको छ । चेन्नाईले पञ्जाब माथि २८ रनको जित दर्ता गरेको हो । चेन्नाईले दिएको १६८ रनको लक्ष्य पछ्याएको पञ्जाबले २० ओभरमा ९ विकेटको क्षतिमा १३९ रन मात्र बनाउन सक्यो । पञ्जाबका लागि प्रभसिम्रन सिंहले २३ बलमा […]
May 4, 2024
काठमाडौँ (हाम्रो खेलकुद) – वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपाल विजयी भएको छ । एक खेल अगावै सिरिज गुमाएको नेपाल अन्तिम खेलमा भने ६ विकेटले विजयी भएको हो । नेपालले पाएको १७३ रनको लक्ष्य नेपालले ४ विकेट गुमाएर ७ बल बाँकी छँदै पुरा गर्यो । नेपालको जितमा अनिल साहले ४५ बलमा ५८ […]