default_image

12 months ago

December 25, 2022

विराटनगरमाथि लुम्बिनीको रोमान्चक जित

काठमाडौं (हाम्रो खेलकुद) – लुम्बिनी अल स्टार्सले नेपाल टि२० लिगमा विराटनगर सुपर किंग्सविरुद्ध दुई रनको रोमान्चक जित हात पारेको छ । लुम्बिनी लगातार दोस्रो जितसँगै शीर्ष स्थानमा उक्लिएको छ । जितको लागि १ सय ५८ रनको विजयी लक्ष्य पछ्याएको विराटनगरले निर्धारित २० ओभरमा ६ विकेट गुमाउँदै १ सय ५५ रन बनायो । विराटनगरलाई अन्तिम ७ […]

95 views

0 Bookmark

काठमाडौं (हाम्रो खेलकुद) – लुम्बिनी अल स्टार्सले नेपाल टि२० लिगमा विराटनगर सुपर किंग्सविरुद्ध दुई रनको रोमान्चक जित हात पारेको छ । लुम्बिनी लगातार दोस्रो जितसँगै शीर्ष स्थानमा उक्लिएको छ ।

जितको लागि १ सय ५८ रनको विजयी लक्ष्य पछ्याएको विराटनगरले निर्धारित २० ओभरमा ६ विकेट गुमाउँदै १ सय ५५ रन बनायो । विराटनगरलाई अन्तिम ७ बलमा जितको लागि २२ रन चाहिँएको थियो ।

किशोर महँतोलाई १९ औं ओभरको अन्तिम बलमा विवेक यादवले छक्का हान्दै विराटनगरको आशा कायमै राखे । अन्तिम ओभरको पहिलो बलमा पहिलो बलमै प्याट ब्राउनलाई आन्द्रे म्याकार्थीले चौका हाने । दोस्रो बल डट र तेस्रो बलमा एक रन बटुलेपछि अन्तिम तीन बलमा ११ रन चाहिँएको थियो । वाइट फ्याँलेपछि १० रन चाहिँएको थियो ।

चौथो बलमा विवेकले थर्डम्यानमा चौका हानेपछि दुई बलमा ६ रन चाहिँएको थियो । पाँचौं बलमा लङअनबाट लामो दौड लिएपनि काउकर्नरमा कप्तान दीपेन्द्रसिंह ऐरीले क्याच लिन सकेनन् ।

अन्तिम बलमा चार रन चाहिँएको थियो । विवेकले लङअफमा एक रन बनाएपनि जितको लागि पर्याप्त हुन सकेन । अन्तिम समयमा आएका विवेक यादवले खेललाई रोमान्चक मोडमा पुयाएपनि टोलीको झिनो हार टार्न सकेनन् । विवेक यादव ७ बलमा १ चौका र १ छक्कासहित १२ रनमा अविजित रहे ।

विराटनगरका हुसेन तालतले २४ बलमा ३ चौका र २ छक्कासहित ३९ रन बनाए । आक्रामक ब्याटिङ गरेका तालत १६ औं ओभरको चौथो बलमा टप एज लागेर मिडअनमा उन्मुक्त चन्दबाट क्याच आउट भए । दीपेन्द्रसिंह ऐरीको बलमा ठूलो सट खेल्ने धुनमा उनी क्याच आउट हुन पुगेका थिए ।

ओपनर अर्जुन साउद १८ बलमा १० रन बनाउँदै आउट भए । अर्का ओपनर गौरांशु शर्मालाई पहिलो ओभरको पाँचौं बलमा प्याट ब्राउनले ८ रनमा एलबीडब्लू आउट गरे ।

उपकप्तान रोहित पौडेल २७ बलमा २५ रन बनाउँदै आउट भए । रोहितले तीन चौका हाने । सिकन्दर राजा १७ रनमा सागर ढकालको बलमा एलबीडब्लू आउट भए । राजाले ११ बलमा १ चौका र १ छक्का हाने । पृथु बास्कोटा १८ र आन्द्रे म्याकार्थीले ११ रन बनाए ।

लुम्बिनीका किशोर महतोले ४ ओभरमा १८ रन खर्चेर २ विकेट लिए । प्याट ब्राउन, विपुल शर्मा, गुलशन झा, दीपेन्द्रसिंह ऐरी र सागर ढकालले एक एक विकेट लिए ।

त्यसअघि टियु क्रिकेट मैदानमा टस हारेर पहिला ब्याटिङ थालेको लुम्बिनीले निर्धारित २० ओभरमा ६ विकेट गुमाउँदै १ सय ५७ रन बनायो । अल स्टार्सका ओपनर लाहिरु मिलान्था ६३ बलमा ५ चौका र ४ छक्कासहित सर्वाधिक ८० रनमा अविजित रहे । मिलान्थालो ४१ बलमा लगातार दोस्रो अर्धशतक प्रहार गरे । मिलान्थाले पहिलो खेलमा फार वेस्ट युनाइटेडविरुद्ध ६० रन जोडेका थिए ।

ओपनर उन्मुक्त चन्द आजको खेलमा पनि दुई रनमै आउट भए । तीव्र गतिका बलर हुसन तालतको दोस्रो ओभरको पाँचौं बलमा टप एज लागेर विकेटकिपर अर्जुन साउदबाट आउट भए । कुशल भुर्तेल १७ बलमा २ चौका र १ छक्कासहित २६ रनमा आउट भए ।

स्पिनर साहब आलमको बलमा कुशल स्टम्पिङ आउट हुन पुगे । दीपेन्द्रसिंह ऐरी १८ बलमा १ छक्कासहित १६ रनमा रन आउट भए । कप्तान आन्द्रे म्याकार्थीको बलमा अनिल डिप मिडविकेटमा ६ रनमा विवेक यादवबाट आउट भए । सिकन्दर राजाले विपुल शर्मालाई ११ रनमा स्टम्पिङ आउट गराए । गुलशन झा ४ र योगेन्द्रसिंह कार्कीले एक रन बनाए ।

विराटनगरका नन्दन यादव, हुसन तालत, शाहब आलम, सिकन्दर राजा र आन्द्रे म्याकार्थीले एक एक विकेट लिए । लुम्बिनीले पहिलो खेलमा ६७ रनले फार वेस्ट युनाइटेडलाई हराउँदै विजयी सुरुवात गरेको थियो । लुम्बिनीले अव मंगलबार पोखरा एभेन्जर्ससँग खेल्नेछ । विराटनगरले सोमबार जनकपुरसँग खेल्नेछ ।

December 5, 2023

एसिया कप खेल्ने नेपाली युवा टोलीको बिदाई

काठमाडौं (हाम्रो खेलकुद) – नेपाल क्रिकेट संघ (क्यान) ले एसिसी यू-१९ एसिया कप खेल्ने नेपाली युवा क्रिकेट टोलीको बिदाई गरेको छ । मंगलबार एक कार्यक्रमकाबीच क्यानले बिदाई गरेको हो । विदाई कार्यक्रममा क्यानका अध्यक्ष चतुरबहादुर चन्द, सचिव पारस खड्का र खेलकुद मन्त्री डिगबहादुर लिम्बु लगायतको उपस्थीति थियो । ‘यू१९ एसिया कप नेपालको लागि विश्वकपको लागि […]

December 5, 2023

‘भारत र पाकिस्तानको चुनौती सामना गर्न उत्साहित छु’- कप्तान देव

काठमाडौं (हाम्रो खेलकुद) – नेपाली युवा कप्तान देव खनालले एसिसी यू१९ एसिया कपमा नेपालको मुख्य लक्ष्य टेस्ट टोलीलाई हराउँदै सेमिफाइनलमा पुग्ने बताएका छन् । सोमबार अन्तिम तयारीको क्रममा देवले उक्त प्रतिक्रिया दिएका हुन् । नेपाली क्रिकेट टोलीलाई क्यानले आज एक कार्यक्रमकाबीच बिदाई गर्नेछ । टोली बुधबार युएई जानेछ । देवले तयारी राम्रो भएको बताएका छन् […]

December 5, 2023

यू-१९ एसिया कप : नेपालको खेल तालिका, समय, लाइभ लगायत सम्पूर्ण जानकारी

काठमाडौं (हाम्रो खेलकुद) – नेपाली युवा टोलीले युएईमा हुने एसिसी यू–१९ एसिया कप खेल्दैछ । एक महिनापछि दक्षिण अफ्रिकामा हुने आइसिसी यू-१९ विश्वकप तयारीको लागि एसिया कप हुन लागेको हो । नेपालले एक महिना अघि मलेसियामा सम्पन्न एसिसी यू–१९ प्रिमियर कपको उपाधि जित्दै एसिया कपमा स्थान बनाएको थियो । नेपालले गत फागुनमा घरेलु टोली युएईलाई […]

Success

Thank you for your time.