default_image

1 year ago

January 14, 2023

एपिएफ र लुम्बिनीको विजयी सुरुवात

156 views

0 Bookmark

काठमाडौं (हाम्रो खेलकुद) – नेपाल एपिएफ क्लब र लुम्बिनी प्रदेशले प्रधानमन्त्री कप महिला टि२० राष्ट्रिय प्रतियोगितामा विजयी सुरुवात गरेका छन् । एपिएफले पहिलो खेलमा गण्डकी प्रदेशलाई ७ विकेट र लुम्बिनीले कर्णालीलाई ९८ रनले हराउँदै विजयी सुरुवात गरेका हुन् ।

जनता क्रिकेट पार्क इटहरीमा टस हारेर पहिला ब्याटिङ थालेको गण्डकीले निर्धारित २० ओभरमा ७ विकेट गुमाउँदै ५१ रन बनायो । गण्डकीको लागि कप्तान सृष्टी जैशीले २४ बलमा १ चौकासहित सर्वाधिक १४ रन बनाइन् । गण्डकीका अन्य कुनैपनि ब्याटरले दोहोरो अंकमा रन बनाउन सकेनन् ।

सृर्जना पौडेल ३, सीमा केसी २, कुसुम गोदार र सुजता थापा ७-७ रनमा आउट भए । एपिएफकी सुमन विष्टले ४ ओभरमा ६ रन खर्चेर ३ विकेट लिइन् । सुष्मा श्रेष्ठ, नेरी थापा, सीता रानामगर र राजमती ऐरीले एक एक विकेट लिइन् ।

जितको लागि ५२ रनको सामान्य विजयी लक्ष्य एपिएफले ८.४ ओभरमा ३ विकेट गुमाउँदै पूरा गर्यो । एपिएफको जितमा सीता रानामगर २२ बलमा २ चौकासहित १९ रनमा अविजित रहिन् । ज्योती पाण्डे ८ रनमा आउट भइन् । गण्डकीकी कप्तान सृष्टी पौडेलले ४ ओभरमा १९ रन खर्चेर ३ विकेट लिइन् ।

अर्को खेलमा टस जितेर पहिला ब्याटिङ थालेको लुम्बिनीले निर्धारित २० ओभरमा ५ विकेट गुमाउँदै १ सय ४७ रन बनायो । लुम्बिनीकी ओपनर लक्ष्मी चौधरीले ३२ बलमा ५ चौकासहित सर्वाधिक ३३ रन बनाइन् । कप्तान सरस्वती पुन २५ बलमा ३ चौकासहित ३० रनमा अविजित रहिन् ।

ओपनर आश्मा पुलामी मगर १४, सरस्वती घर्तीमगर ४ र रन्जु श्रेष्ठ १० रनमा आउट भइन् । कर्णालीको यमुना थारु र बिना थापाले दुई दुई विकेट लिए । कर्णालीले ४९ रन अतिरिक्त दिएको थियो । जसमा ४३ रन वाइड थियो ।

जितको लागि १ सय ४८ रनको विजयी लक्ष्य पछ्याएको कर्णाली १८.१ ओभरमा ४९ रनमा अल आउट भयो । कर्णालीको यमुना थारुले ४४ बलमा २ चौकासहित सर्वाधिक १३ रन बनाइन् । किरण कुँवर १२ बलमा २ चौकासहित १० रनमा आउट भइन् । अन्य कुनैपनि ब्याटरले दोहोरो अंकमा रन बनाउन सकेनन् ।

लुम्बिनीको स्पिनर कृतिका मरासिनीले ४ ओभरमा ११ रन खर्चेर ३ विकेट लिइन् । अर्की स्पिनर मधु डिसीले ४ ओभरमा ५ रन खर्चेर ३ विकेट लिइन् । सुष्मिता भुषालले दुई विकेट लिइन् ।

प्रतियोगितामा ७ प्रदेश र नेपाल एपिएफ क्लब गरि कुल ८ टोली सहभागी छन् । जसमा दुई समूहमा विभाजन गरिएको छ । समूह ए मा नेपाल एपिएफ क्लब, सुदूरपश्चिम प्रदेश, बागमती प्रदेश र गण्डकी प्रदेश छन् ।

समूह बी मा प्रदेश एक, मधेश प्रदेश, लुम्बिनी प्रदेश र कर्णाली प्रदेश छन् । समूहका शीर्ष दुई टोली सेमिफाइनल खेल्नेछन् । सेमिफाइनल माघ ६ र फाइनल माघ ७ मा हुनेछ ।

June 19, 2024

दीपेन्द्र आइसिसी वरियतामा थप माथि उक्लिए

काठमाडौं (हाम्रो खेलकुद)- नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले विश्व वरियतामा अहिलेसम्मकै उच्च वरियतामा उक्लिएका छन् । अन्तराष्ट्रिय क्रिकेट परिषद (आइसीसी)ले हालै जारी गरेको टि‌ ट्वान्टी आईको अलराउन्डरतर्फको वरियतामा दीपेन्द्र छैटौं स्थानमा रहेका छन्। यस अघि उनी नवौं स्थानमा थिए। टि‌ ट्वान्टी आईको अलराउन्डरको शीर्ष स्थानमा अस्ट्रेलियाका मार्कस स्टोईनेस उक्लिएका छन् । श्रीलंकाका वानिन्दु […]

June 18, 2024

‘टिम हार्दा कीर्तिमान व्यर्थ लाग्यो’ – सन्दीप

सेन्ट भिन्सेन्ट (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले आइसीसी टि२० विश्वकप अन्तर्गत आइतबार सम्पन्न खेलमा बंगलादेशविरुद्ध आफ्नो टि२०आई करिअरको १ सयौं विकेट लिए । सन्दीपले बंगलादेशविरुद्ध २ विकेट लिँदै करिअरमा १ सय विकेट पूरा गरे । उनले ५४ खेलमा यो उपलब्धि पूरा गरे । उनी ५३ खेलमा १ सय विकेट लिएका […]

June 18, 2024

फर्गुसनको अविश्वसनीय बलिङमा न्युजिल्यान्ड विजयी

एजेन्सी – तीव्र गतिका बलर लोकी फर्गुसनको सानदार बलिङ प्रदर्शनमा न्युजिल्यान्डले आइसीसी टि२० विश्वकप अन्तर्गत समूहको अन्तिम खेलमा पपुवा न्यु गिनीलाई पराजित गरेको छ । टस जितेर पहिलो फिल्ड गर्ने निर्णय लिएको न्युजिल्यान्डले पिएनजीलाई १९.४ ओभरमा ७८ रनमा अलआउट गर्यो । न्युजिल्यान्डका लागि फर्गुसनले ४ ओभरमा कुनै रन नखर्ची ३ विकेट लिएका थिए । उनी […]

Success

Thank you for your time.