काठमाडौं (हाम्रो खेलकुद) – इटहरीमा जारी प्रधानमन्त्री कप महिला टि२० राष्ट्रिय प्रतियोगिता एक खेलाडीले स्कुटर पाउने भएको छन् । जिल्ला क्रिकेट संघ सुनसरी र नेपाल खेलकुद महासंघले प्रधानमन्त्री कप खेलेका ८ टोली मध्य एक नेपाली टोलीबाट खेलि सकेको खेलाडीलाई उक्त स्कुटर दिने भएको छ।

‘हामीले एक खेलाडीलाई स्कुटर दिन खोजेका हौं । यो लिएपछि उक्त खेलाडीले आगमी दश वर्ष क्रिकेट खेलोस् । जिल्ला क्रिकेट संघ र प्राविधिकहरुले सिफारिस गरेको खेलाडीलाई प्रदान गर्नेछौं । भविष्यको स्टारलाई दिने छौं’, सुनसरी जिल्ला क्रिकेट संघका अध्यक्ष चेतनाथ पौडेलले भने ।

प्रतियोगिता संयोजक विप्लव घोषले ७ प्रदेश र नेपाल एपिएफ क्लब टोली मध्य नेपाली टोलीबाट खेलि सकेको एक खेलाडीले उक्त स्कुटर पाउने बताए ।

‘८ टोलीबाट एक खेलाडीले उक्त स्कुटर पाउनेछन् । हामी सल्लाह गछौं । सुनसरी जिल्ला क्रिकेट संघ र नेपाल खेलकुद महासंघले मिलेर दिन लागेका हौं । हामीले सुरुवात गर्यौ भने पछि राज्यले पनि गरोस भन्ने हाम्रो उदेश्य हो’, घोषले भने ।

‘यस प्रतियोगिता प्रदर्शन गरेको र उक्त खेलाडीको पारिवारिक अवस्था पनि हेर्ने छौं । नेपाली टोलीबाट परेको मध्य एउटालाई दिने विचार गरेका छौं । राज्यले पनि अव खेलाडीको भविष्य वारे सोचिदिनु पर्छ’, उनले भने ।

प्रतियोगिता पहिलो सेमिफाइनलमा शुक्रबार सुदूरपश्चिम र मधेशबीच प्रतिस्पर्धा हुनेछ । दोस्रो सेमिफाइनल खेलमा एपिएफ र प्रदेश एकबीच प्रतिस्पर्धा हुनेछ । फाइनल शनिबार हुनेछ । प्रतियोगिता विजेताले पाँच लाख र उपविजेता टोलीले तीन लाख रुपैयाँ प्राप्त गर्नेछन् । प्रतियोगिता सर्वोत्कृष्ट खेलाडीले ३० हजार, उत्कृष्ट ब्याटर र बलरले समान २० हजार पाउनेछन् ।