default_image

1 year ago

January 21, 2023

भारतलाई एक खेल अगावै सिरिज

94 views

0 Bookmark

एजेन्सी – भारतले दोस्रो ओडिआई खेलमा न्युजिल्यान्डलाई ८ विकेटले हराउँदै एक खेल अगावै सिरिज जितेको छ । तीन ओडिआई खेलको सिरिजमा भारतले २–० को अग्रता लिँदै एक खेल अगावै सिरिज जित्यो।

जितको लागि १ सय ९ रनको सामान्य विजयी लक्ष्य पछ्याएको भारतले २०.२ ओभरमा २ विकेट गुमाउँदै पूरा गर्यो । भारतको जितमा रोहित शर्मा ५० बलमा ७ चौका र २ छक्कासहित ५१ रनमा आउट भए ।

पहिलो विकेटका लागि ओपनर शुभमन गिल र रोहित शर्माले १४.२ ओभरमा ७२ रनको साझेदारी गरेका थिए । रोहित तीव्र गतिका बलर हेनरी शिफ्लेको बलमा एलबीडब्लू आउट भए । मिचेल सान्टनारको बलमा विराट कोहली ११ रनमा स्टम्पिङ आउट भए । शुभमन गिल ५३ बलमा ६ चौकासहित ४० र ईशान किशन ९ बलमा २ चौकासहित ८ रनमा अविजित छन् ।

त्यसअघि रायपुरमा टस हारेर पहिला ब्याटिङको निम्तो पाएको न्युजिल्यान्ड ३४.३ ओभरमा १ सय ८ रनमा अल आउट भयो । न्युजिल्यान्डका ग्लेन फिलिप्सले ५२ बलमा ५ चौकासहित सर्वाधिक ३६ रन बनाए ।

मिचेल सान्टनार २७ र माइकल ब्रेसवेलले २२ रनमा आउट भए । भारतको सानदार बलिङ सामु न्युजिल्यान्डका ८ खेलाडीले दोहोरो अंकमा रन बनाउन सकेनन् । ओपनर फिन एलेन शून्य, डेभन कन्वे ७, हेनरी निकोलस २, डर्याल मिचेल र कप्तान टम लाथम एक एक रनमा आउट भए ।

एक समय १५–५ को दयनीय अवस्थामा पुगेको न्युजिल्यान्डलाई छैटौं विकेटका लागि माइकल ब्रेसवेल र ग्लेन फिलिप्सले ४८ बलमा ४१ रनको साझेदारी गर्दै झिनो आशा देखाएका थिए । पहिलो खेलमा ७८ बलमा १ सय ४० रनको सानदार इनिङ खेलेका ब्रेसवेल मोहम्मद शामीको बाउन्सर बलमा एज लागेर विकेटकिपर ईशान किशनबाट क्याच आउट भएपछि झिनो आशा समाप्त भएको थियो ।

सातौं विकेटका लागि ग्लेन फिलिप्स र मिचेल सान्टनारले ७० बलमा सर्वाधिक ४७ रनको साझेदारी गर्दै एक सय रनको योगफल कटाउन सफल भए । सान्टनार हार्दिक पान्ड्याको बलमा एज लागेर बोल्ड हुन पुगे । त्यो समय न्युजिल्यान्ड १०३–७ को अवस्थामा थियो ।

भारतका मोहम्मद शामीले ६ ओभरमा १ मेडनसहित १८ रन खर्चेर ३ विकेट लिए । हार्दिक पान्ड्या र वासिन्टन सुन्दरले दुई दुई विकेट लिए । मोहम्मद शिराज, शार्दुल ठाकुर र कुलदीप यादवले एक एक विकेट लिए । भारत पहिलो खेलमा १२ रनले विजयी भएको थियो । तेस्रो खेल मंगलबार इन्डोरमा हुनेछ ।

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.