default_image

1 year ago

January 22, 2023

‘विश्वकप खेल्ने ठूलो सपना छ’– देव खनाल

452 views

0 Bookmark

काठमाडौं (हाम्रो खेलकुद) – ओपनर देव खनालले आइसिसी यू-१९ विश्वकप छनोटमा राम्रो गर्दै विश्वकप खेल्ने ठूलो सपना भएको बताएका छन् । आगमी महिना युएईमा हुने आइसिसी यू–१९ विश्वकप एसिया छनोट (एसिया डिभिजन १) को लागि बन्द प्रशिक्षणमा रहेका देव खनालले उक्त प्रतिक्रिया दिएका हुन् ।

‘म पहिला त क्यानलाई धन्यावाद दिन चाहन्छु । जसरी वहाँहरुले विश्वकप छनोटको लागि क्याम्प लगाउनु भएको छ । एक दुई महिना बाँकी हुँदा हामीले यसरी आएर अभ्यास गर्न पाउनु सबैभन्दा ठूलो कुरा हो । टिममा सबै यू–१९ राष्ट्रिय प्रतियोगितामा प्रदर्शन गरेर आएका खेलाडी छन् । टिम सन्तुलित देखिएको छ’, सिनियर टोलीबाट खेलि सकेका देव खनालले भने ।

गतवर्ष कोरोना महामारीको कारण आइसिसीले यू–१९ विश्वकप एसिया क्षेत्र छनोट गरेको थिएन । जसको कारण युएईले सिधैं विश्वकप खेल्ने मौका पाएको थियो । यू–१९ एसिया कप भने गतवर्ष नेपालले देव खनालकै कप्तानीमा खेलेको थियो । देव पछिल्लो समय सबैभन्दा ठूलो आशा बोकेका युवा ब्याटर हुन् । सिनियर टोलीबाट १० ओडिआई खेल खेलि सकेका देवको भूमिका यू१९ मा महत्वपूर्ण हुनेछ ।

‘म र गुलशन भनेको सिनियर टोली देखि खेलि सकेको हो । त्यो भनेको एकदमै ठूलो भूमिका हो जस्तो लाग्छ । यस विश्वकप छनोटमा म र गुलशनमा धेरै जिम्मेवारी हुन्छ । हामीले यू-१९ विश्वकप नखेलेको पनि झन्डै ८ वर्ष भईसक्यो । हाम्रो लक्ष्य विश्वकप नै हो । त्यसको लागि हामीले छनोट जित्नु पर्ने हुन्छ’, उनले भने ।

ब्याटिङ नेपालको हरेक क्षेत्रको कमजोर मानिन्छ । देव यू-१९ मा राम्रो भएको बताउछन् । ‘ब्याटिङ हाम्रो एकदम बलियो छ । ओपनरमा आकाश, दीपक बोहरा, अर्जुन कुमाल, म आफैं भएँ । ब्याटिङ टप अडर देखि तल्लोक्रमसम्म एकदमै राम्रो छ । तलआएर अलराउन्डर छन् । गुलशन भयो आफैं । खेलमा कसले कस्तो प्रदर्शन गर्छ भन्ने हुन्छ’, देवले टोलीको ब्याटिङबारे भने ।

नेपालले २०१६ पछि भने यू–१९ विश्वकप खेलेको छैन । २०१७ को छनोटमा अफगानिस्तान र २०१९ को छनोटमा युएईसँग पराजित भएको थियो । युएईसँग वर्षाले प्रभावित खेलमा डकवर्थ लेविस पद्धतिको आभरमा एक रनले पराजित हुँदा २०२० र २०२२ को विश्वकप गुमाउनु परेको थियो ।

‘विश्वकप खेल्ने आत्माविश्वास एकदमै देख्छु । जगत गुरु हुनुन्छ । वहाँ आफैं नेपाली क्रिकेटको लागि लक्की जस्तो हुनुन्छ । वहाँले जसरी ब्याक गरि राख्नु भएको छ । वहाँ हुनु नै हाम्रो लागि एकदमै ठूलो कुरा हो जस्तो लाग्छ मलाई । क्याम्प सुरु भएपछि वहाँको पहिलो भनाई नै हामीले विश्वकप नखेलेको ८ वर्ष भईसक्यो । यो पटक हामी विश्वकप खेल्नै पर्छ भनेर थियो’, उनले भने ।

देव केन्या भ्रमण पछि नेपाली सिनियर टोलीमा छैनन् । प्रधानमन्त्री कप एकदिवसिय राष्ट्रिय प्रतियोगितामा सानदार प्रदर्शन गरेपनि यू-१९ राष्ट्रिय प्रतियोगिता र नेपाल टि२० लिगमा भने अपेक्षा अनुसार प्रदर्शन गर्न सकेनन् । देव पनि आफ्नो लागि यो प्रतियोगिता धेरै महत्वपूर्ण भएको स्वीकार गर्दछन् ।

‘मेरो लागि एकदमै महत्वपूर्ण हुन्छ । मलाई सिनियर टोलीमा फेरि आउनु छ । त्यसको लागि पहिला पनि यू-१९ देखिनै प्रदर्शन गरेर आएको हो । फेरि पनि त्यहिँ बाटो छ । मेरो लागि एकदमै महत्वपूर्ण प्रतियोगिता छ । विश्वकप सबैको सपना हुन्छ । चाहेँ त्यो यू-१९ होस् वा सिनियर । राम्रो गरेर विश्वकप खेल्ने ठूलो सपना छ’, देवले आफ्नो लक्ष्य बताए ।

प्रतियोगिता फेब्रुअरी अन्तिममा युएईमा हुनेछ । डिभिजन १ छनोटमा नेपाल, युएई, हङकङ, कुवेत, मलेसिया र सिंगापुरबीच प्रतिस्पर्धा हुनेछ । विजेता टोलीले २०२४ मा श्रीलंकामा हुने यू–१९ विश्वकप खेल्न पाउनेछ ।

‘नेपालले श्रीलंकमा हुने विश्वकप खेल्नेमा विश्वास छ’– टमाटा

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.