default_image

1 year ago

February 15, 2023

स्कटल्यान्डले टस जित्यो

124 views

0 Bookmark

काठमाडौं (हाम्रो खेलकुद) – स्कटल्यान्डले आइसिसी विश्वकप लिग–२ त्रिकोणात्मक ओडिआई सिरिज अन्तर्गत नामिबियाविरुद्ध टस जितेर पहिला फिल्डिङ गर्ने निर्णय लिएको छ । टियु क्रिकेट मैदानमा भएको टसमा स्कटल्यान्डका कप्तान रिची बेरिंगटनले जितेर पहिला फिल्डिङ गर्ने निर्णय लिएका छन् ।

स्कटल्यान्डको यो नेपालमा पहिलो खेल हो । स्कटल्यान्ड पहिलो पटक नेपालमा आएको हो । स्कटल्यान्ड नामिबियालाई हराउँदै औपचारिक रुपमा आइसिसी विश्वकप लिग–२ को च्याम्पियन बन्न चाहन्छ । उता पहिलो खेलमा दुई विकेटले पराजित भएको नामिबिया स्कटल्यान्डलाई स्तब्ध पार्ने सोचमा हुनेछ । नामिबियालाई नेपाली मैदानको बारे थाहा छ । त्यसको फाइदा उठाउन सक्छ । यता नेपाल भने नामिबियाको हार चाहन्छ । नामिबियाको हारले नेपाललाई प्रत्यक्ष रुपमा फाइदा पुग्नेछ ।

स्कटल्यान्ड ३२ खेलमा २२ मा जित र ८ मा हारसहित ४६ अंकका साथ शीर्षस्थानमा छ । आज विजयी हुँदा बाँकी सबै खेलमा पराजित भएपनि अन्य कुनैपनि टोली ४८ अंकमा पुग्न सक्दैनन् । त्यसैले आधिकारीक रुपमा च्याम्पियन बन्नेछ । नामिबिया ३१ खेलमा १८ मा जित र १२ मा हारसहित ३७ अंकका साथ तेस्रो स्थानमा छ ।

नेपाल २५ खेलमा ९ मा जित र १४ खेलमा हारसहित २० अंकका साथ छैटौं स्थानमा छ । नेपालले सबै खेल जित्दा अझैपनि शीर्ष तीनको सम्भावना रहन्छ । त्यसको लागि नामिबियाले हार्दा झनै सहज हुनेछ । नामिबियाका शीर्षक्रमका ब्याटर माइकल भान लिंगेन राम्रो लयमा छन् ।

उनले लगातार दुई शतक हान्नेक्रममा नेपालविरुद्ध मंगलबार १ सय ३३ रनको शतकीय इनिङ खेलेका थिए । त्यसअघि डिसेम्बरमा १ सय २१ रन जोडेका थिए । एसोसियट क्रिकेटर अफ दी इयर बनेका कप्तान जेरार्ड इरास्मस प्रमुख ब्याटर हुन् । उनी नेपालसँग ५६ रनमा आउट भएका थिए । रुबेन ट्रम्पलम्यान प्रमुख बलर हुन् ।

यता स्कटल्यान्डको ब्याटिङ लाइनअप उत्कृष्ट छ । कप्तान रिची बेंरिङ्टन, काइल कोट्जर, म्याथ्यु क्रस र जर्ज मुन्शे जस्ता चर्चित ब्याटर छन् । शीर्ष र मध्यक्रम नचल्दा पनि तल्लोक्रम ब्याटिङ राम्रो छ । ब्रेन्डन म्याकुलेन र माइकल लिस्क राम्रो अलराउन्डर हुन् । तीव्र गतिका बलर शफ्यान शरिफ र क्रिस सोले छन् । स्पिनर हाम्जा ताहिर र मार्क वाट् बलरको रुपमा छन् । यी दुई स्पिनर खेल्न सहज भने हुनेछैन ।

स्कटल्यान्डको प्लेइङ ११ :

रिची बेरिंगटन (कप्तान), काइल कोट्जर, म्याट क्रस (उप-कप्तान), क्रिस ग्रेभ्ब्स, माइकल लिस्क, क्रिस म्याकब्राइड, ब्रेन्डन म्याकुलम, जर्ज मुन्शे, शफ्यान शरिफ, हम्जा ताहिर, मार्क वाट् ।

नामिबियाको प्लेइङ ११ :

जेरार्ड इरास्मस (कप्तान), लोहान लरेन्स, टांगेनी लुमामेनी, जेन ग्रिन, माइकल भान लिगेन, बेनार्ड शोल्ट्स, हेलाओ या फ्रान्स, बेन सिकांगो, कार्ल विक्रेनस्टोक, निकोल लोफ्टी इआटोन र रुबेन ट्रम्पलम्यान ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.